(ರಾಗ ಮೋಹನ. ಅಟ ತಾಳ )

ಮಂದಗಮನೆ ಇವನಾರೆ ಪೇಳಮ್ಮ

ಮಂದರಧರ ಗೋವಿಂದ ಕಾಣಮ್ಮ ||ಪ||

ಕೆಂದಳಿರು ನಖ ಶಶಿಬಿಂಬ ಪದಪದ್ಮ

ಅಂದುಗೆ ಇಟ್ಟವನಾರೆ ಪೇಳಮ್ಮ

ಅಂದು ಕಾಳಿಂಗನ ಪೆಡೆಯ ತುಳಿದ ದಿಟ್ಟ

ನಂದನ ಕಂದ ಮುಕುಂದ ಕಾಣಮ್ಮ ||

ಉಡುಗೆ ಪೀತಾಂಬರ ನಡುಗೆ ಹೊನ್ನುಡುದಾರ

ಕಡಗ ಕಂಕಣವಿಟ್ಟವನಾರಮ್ಮ

ಮಡದಿ ಕೇಳ್ ಸಕಲ ಲೋಕಂಗಳ ಕುಕ್ಷಿಯೊ-

ಳೊಡನೆ ತೋರಿದ ಜಗದೊಡೆಯ ಕಾಣಮ್ಮ ||

ನೀರದನೀಲದಂತೆಸವ ವಕ್ಷದಿ ಕೇ-

ಯೂರಹಾರವನಿಟ್ಟವನಾರಮ್ಮ

ನೀರೆ ಕೇಳು ನಿರ್ಜರರಾದವರಿಗೆ

ಪ್ರೇರಿಸಿ ಫಲವಿತ್ತುದಾರಿ ಕಾಣಮ್ಮ ||

ಶಂಖಚಕ್ರವು ಗದೆ ಪದ್ಮ ಕೈಯೊಳಗಿಟ್ಟ-