( ರಾಗ ಸೌರಾಷ್ಟ್ರ. ಅಟತಾಳ) ಬಾಲಕೃಷ್ಣನೆ ಬಾರೋ ಬೇಗ ಬಾರೋ ||ಪ|| ಬಾಲಕೃಷ್ಣನೆ ಬಾರೋ ಕಾಲಗಡಗವನಿಡುವೆನು ಕೋಲು ಬುಗುರಿ ಚೆಂಡು ನಿನಗೆ ಇಟ್ಟಿರುವೆ ||ಅ|| ಅಣ್ಣಯ್ಯ ಬಲರಾಮ ಬೇಡುವನಯ್ಯ ಅಣ್ಣಯ್ಯ ನೀ ಬಾರೆಲೊ ಎನ್ನ ಸಾಕುಮಾಡದೆ ಓಡಬೇಡವೊ ಈಗ ಬಣ್ಣಿಸಿ ತೂಗುವೆ ಗಮ್ಮನೆ ಮಲಗೊ || ಯೋಗಿಗಳರಸನೆ ನಿನಗೆ ನಾ ಜೋಗುಳ ಪಾಡುವೆನೊ ನಾಗಭೂಷಣ ಬಂದು ಅಂಜಿಸುವ ನಿನ್ನನ್ನ ಜೋಗಿ ಹಣಿಕ್ಹಾಕುವ ಕಣ್ಣು ಮುಚ್ಚಿಕೊಳ್ಳೋ || ಭಕ್ತ ವತ್ಸಲನೆನಲೆ ನಿನ್ನ ನಾ ಮಗುವೆಂದು ಕರೆಯಲೆ ಅಗಣಿತಮಹಿಮನೆ ಜಗವ ಮೋಹಿಪ ರಂಗ ಮಗುವಲ್ಲವೋ ತಂದೆ ಪುರಂದರವಿಠಲಯ್ಯ ||

( ರಾಗ ಪಂತುವರಾಳಿ/ಕಾಮವರ್ಧಿನಿ. ಏಕ ತಾಳ)

ಬೂಚಿ ಬಂದಿದೆ, ರಂಗ ಬೂಚಿ ಬಂದಿದೆ ||ಪ||

ಚಾಚಿ ಕುಡಿದು ಸುಮ್ಮನೆ ನೀ ಪಾಚಿಕೊಳ್ಳೊ ಕೃಷ್ಣಯ್ಯ ||ಅ||

ನಾಲ್ಕು ಮುಖದ ಬೂಚಿಯೊಂದು

ಗೋಕುಲಕ್ಕೆ ಓಡಿ ಬಂದು

ಲೋಕರನ್ನು ಎಳೆದುಕೊಂಡು

ಕಾಕು ಮಾಡಿ ಒಯ್ಯುವುದಕೆ ||

ಮೂರು ಕಣ್ಣಿನ ಬೂಚಿಯೊಂದು

ಊರೂರ ಸುತ್ತಿ ಬಂದು

ದ್ವಾರದಲ್ಲಿ ನಿಂತಿದೆ ನೋಡೊ

ಪೋರರನ್ನು ಒಯ್ಯುವುದಕೆ ||

ಅಂಗವೆಲ್ಲ ಕಂಗಳುಳ್ಳ

ಶೃಂಗಾರ ಮುಖದ ಬೂಚಿ

ಬಂಗಾರದಂಥ ಮಕ್ಕಳನೆಲ್ಲ

ಕಂಗೆಡಿಸಿ ಒಯ್ಯುವುದಕೆ ||

ಆರು ಮುಖದ ಬೂಚಿಯೊಂದು

( ರಾಗ ಶಂಕರಾಭರಣ. ಆದಿ ತಾಳ)

ಬುದ್ಧಿಮಾತು ಹೇಳಿದರೆ ಕೇಳಬೇಕಮ್ಮ , ಮಗಳೆ ಮನ-

ಶುದ್ಧನಾಗಿ ಗಂಡನೊಡನೆ ಬಾಳಬೇಕಮ್ಮ ||ಪ||

ಅತ್ತೆಮಾವಗಂಜಿಕೊಂಡು ನಡೆಯ ಬೇಕಮ್ಮ, ಮಗಳೆ

ಚಿತ್ತದೊಲ್ಲಭನಕ್ಕರೆಯನು ಪಡೆಯಬೇಕಮ್ಮ

ಹೊತ್ತು ಹೊತ್ತಿಗೆ ಮನೆಯ ಕೆಲಸ ಮಾಡಬೇಕಮ್ಮ, ಮಗಳೆ

ಹತ್ತು ಮಂದಿ ಒಪ್ಪುವ ಹಾಗೆ ನುಡಿಯಬೇಕಮ್ಮ ||

ಕೊಟ್ಟು ಕೊಂಬುವ ನೆಂಟರೊಡನೆ ದ್ವೇಷ ಬೇಡಮ್ಮ, ಮಗಳೆ

ಅಟ್ಟು ಉಂಬುವ ಕಾಲದಲ್ಲಿ ಆಟ ಬೇಡಮ್ಮ

ಹಟ್ಟಿ ಬಾಗಿಲಲ್ಲಿ ಬಂದು ನಿಲ್ಲಬೇಡಮ್ಮ, ಮಗಳೆ

ಕಟ್ಟಿ ಆಳುವ ಗಂಡನೊಡನೆ ಸಿಟ್ಟು ಬೇಡಮ್ಮ ||

ನೆರೆಹೊರೆಯವರಿಗೆ ನ್ಯಾಯವನ್ನು ಹೇಳಬೇಡಮ್ಮ, ಮಗಳೆ