(ರಾಗ ನಾದನಾಮಕ್ರಿಯ. ಆದಿತಾಳ ) ಹೊಲತಿ ಹೊಲೆಯ ಇವರವರಲ್ಲ ||ಪ|| ಹೊಲಗೇರಿಲಿ ಹೊಲೆಯ ಹೊಲತಿಲ್ಲ ||ಅ.ಪ|| ಸತಿವಶನಾಗಿ ಜನನಿ ಜನಕಗೆ ಅತಿ ನಿಷ್ಠುರ ನುಡಿವವ ಹೊಲೆಯ ಸುತರ ಪಡೆದು ವಾರ್ಧಿಕಮದವೇರಿ ಪತಿ ದ್ವೇಷ ಮಾಡುವವಳೆ ಹೊಲತಿ ಗುರುವಿದ್ಯಾ ಕಲಿದು ಸುಖದಲ್ಲಿ ಜೀವಿಸಿ

(ರಾಗ ಭೈರವಿ. ಅಟ ತಾಳ ) ಹಿಗ್ಗುವೆ ಏತಕೋ, ಈ ದೇಹಕ್ಕೆ ಹಿಗ್ಗುವೆ ಯಾಕೋ ||ಪ|| ಹಿಗ್ಗುವ ತಗ್ಗುವ ಮುಗ್ಗುವ ಕುಗ್ಗುವ ಅಗ್ನಿಯೊಳಗೆ ಬಿದ್ದು ದಗ್ಧವಾಗುವ ದೇಹಕ್ಕೆ ||ಅ.ಪ|| ಸತಿ ಪುರುಷರು ಕೂಡಿ ರತಿ ಕ್ರೀಡೆಗಳ ಮಾಡಿ ಪತನವಾದಿಂದ್ರಿಯ ಪ್ರತಿಮೆಯ ದೇಹಕ್ಕೆ ||೧||

(ರಾಗ ಕಾಂಭೋಜಿ. ಝಂಪೆ ತಾಳ ) ಹೆಣ್ಣಿಗಿಚ್ಚೈಸುವರೆ ಮೂಢ, ಇದನು ಕಣ್ಣು ಮೈ ಮನಗಳಿಂ ಸೋಂಕಲೇ ಬೇಡ ತಾಯಾಗಿ ಮೊದಲೆ ಪಡೆದಿಹುದು, ಮಾತು ಜಾಯಾಯೆಂದೆನಿಸಿ ಕಾಮದಿ ಕೆಡಹುವುದು ಕಾಯದೊಳು ಜನಿಸುತ್ತಲಿಹುದು, ಇಂತು ಮಾಯೆಯು ನಿನ್ನ ಬಹು ವಿಧದಿ ಕಾಡುತಲಿಹುದು

(ರಾಗ ಆರಭಿ. ಅಟ ತಾಳ ) ಹರಿಯೆಂಬ ನಾಮಾಮೃತದ ಸುರುಚಿಯು ಪರಮ ಭಕ್ತರಿಗಲ್ಲದೆ ಅರಿಯದ ಕಡು ಮೂರ್ಖ ಜನರಿಗೆ ಪೇಳಲು ಹರುಷವಾಗಬಲ್ಲುದೆ ಅಂದುಗೆ ಅರಳೆಲೆ ಇಟ್ಟರೆ ಕೊಡಗ ಕಂದನಾಗ ಬಲ್ಲುದೆ ಹಂದಿಗೆ ತುಪ್ಪ ಸಕ್ಕರೆ ಉಣಿಸಲು ಗಜೇಂದ್ರನಾಗ ಬಲ್ಲುದೆ

(ರಾಗ ಯಮುನಾಕಲ್ಯಾಣಿ. ಆಟತಾಳ ) ಹರಿಯ ಸ್ಮರಣೆ ಮಾಡಿರೆ ಗುರು ಮಧ್ವರಮಣನ ಪಾಡಿರೆ ||ಪ|| ಸಿರಿ ರಮಣನ ನೋಡಿರೆ , ಶೃಂ- ಗಾರದಿಂದಲಿ ಆಡಿರೆ ನಾರಿಯರೆಲ್ಲರು ಹರಸಿರೆ ನರಹರಿಯ ಬೇಗ ಕರೆಸಿರೆ ಸುರ ವೃಕ್ಷ ಕುಸುಮವ ತರಿಸಿರೆ ಶಿರದಲ್ಲಿ ಬೇಗ ಸುರಿಸಿರೆ ಗಂಗೋದಕವ ತನ್ನಿರೆ

(ರಾಗ ಶಂಕರಾಭರಣ. ಅಟ ತಾಳ ) ಹರಿಯ ನೆನೆಯಿರೋ, ನಮ್ಮ ಹರಿಯ ನೆನೆಯಿರೋ ||ಪ|| ಬರಿಯ ಮಾತನಾಡಿ ಬಾಯ ಬರಡು ಮಾಡಿ ಕೆಡಲು ಬೇಡಿ ||ಅ|| ನಿತ್ಯವಲ್ಲ ಈ ಶರೀರವ- ನಿತ್ಯವೆಂದು ನೋಡಿರಯ್ಯ ಹೊತ್ತು ಕಳೆಯ ಬೇಡಿ ಕಾಲ ಮೃತ್ಯು ಬಾಹೋದೀಗಲೆ ಕಾಮ ಕ್ರೋಧಗಳನು ತೊರೆದು

(ರಾಗ ಪೂರ್ವಿ. ಅಟ ತಾಳ ) ಹರಿಯ ನೆನೆಯದ ನರಜನ್ಮವೇಕೆ, ನರ- ಹರಿಯ ಕೊಂಡಾಡದ ನಾಲಿಗೆಯೇಕೆ ವೇದವನೋದದ ವಿಪ್ರ ತಾನೇಕೆ ಕಾದಲರಿಯದ ಕ್ಷತ್ರಿಯನೇಕೆ ಕ್ರೋಧವ ಬಿಡದ ಸನ್ಯಾಸಿ ತಾನೇಕೆ ಆದರವಿಲ್ಲದ ಅಮೃತಾನ್ನವೇಕೆ ಸತ್ಯ ಶೌಚವಿಲ್ಲದಾಚಾರವೇಕೆ

(ರಾಗ ಕಾಮವರ್ಧನಿ/ಪಂತುವರಾಳಿ. ಆದಿ ತಾಳ ) ಹರಿಯ ದಾಸರಗಿನ್ನು ಸರಿಯುಂಟೆ ನರಹರಿಯ ನಂಬಿದವರಿಗೆ ಕೇಡುಂಟೆ ಮಾರಿಯಾ ಕೈಯಲ್ಲಿ ನೀರು ಹೊರಿಸುವರು ಮಸಣಿಯಾ ಕೈಲಿ ಕಸ ಬಳಿಸುವರು ಘೋರ ಮೃತ್ಯುವಿನ ಕೈ ಭತ್ತ ಕುಟ್ಟಿಸುವರು ಜವನ ಕೈಲಿ ಜಂಗುಳಿ ಕಾಯಿಸುವರು

(ರಾಗ ಸೌರಾಷ್ಟ್ರ. ಅಟ ತಾಳ ) ಹರಿ ಸರ್ವೋತ್ತಮನೆಂದು ಸ್ಮರಿಸದ ಜನರ ಸಂಗ ಬೇಡ ||ಪ|| ಸಿರಿ ವಾಯುಮತ ಪೊಂದಿ ಹರುಷ ಪಡದವರ ಸಂಗ ಬೇಡ ||ಅ.ಪ|| ಮುಂದೆ ಭಲಾ ಎಂದು ಹಿಂದಾಡಿಕೊಂಬರ ಸಂಗ ಬೇಡ ಎಂದೆಂದಿಗು ಪರನಿಂದೆ ಮಾಡುವ ಪಾಪಿ ಸಂಗ ಬೇಡ ತಂದೆ ತಾಯಿಗೆ ಮನ ಬಂದಂತೆ ನುಡಿವರ ಸಂಗ ಬೇಡ

(ರಾಗ ಶಂಕರಾಭರಣ. ಆದಿ ತಾಳ ) ಹರಿ ನಿನ್ನೊಲುಮೆಯು ಆಗುವ ತನಕ ಅರಿತು ಸುಮ್ಮನಿರುವುದು ಲೇಸು ||ಪ|| ಮರಳಿ ಮರಳಿ ತಾ ಪಡೆಯದ ಭಾಗ್ಯಕೆ ಹೊರ ಹೊರಳುತ ಕನಲಲು ಬಂದೀತೆ ||ಅ.ಪ|| ದೂರು ಬರುವ ತೆರ ನಂಬಿಗೆ ಕೊಟ್ಟರೆ ದುರ್ಜನ ಬರುವುದು ತಪ್ಪೀತೆ