(ರಾಗ ಪೂರ್ವಿ. ಅಟ ತಾಳ.) ಏನು ಗತಿಯೋ ಎನಗೆ, ಎಲೈ ಹರಿ ||ಪ|| ನಾ ನಿನ್ನ ನೆನೆಯದೆ ಮೋಸ ಹೋದೆನಲ್ಲೋ ||ಅ.ಪ|| ಅಂಕದಲಾಡುವ ಶಿಶುವಿನ ಮುದ್ದಾದ ಇಂಬಿನ ನುಡಿಗಳ ಕೇಳುತಲಿ ಕಿಂಕಿಣಿ ಧ್ವನಿಯಿಂದ ಕಿವಿಗೊಟ್ಟು ಕೇಳುವ ಮಂಕಾದ ಹರಿಣನಂತಾದೆನಲ್ಲೊ ಹರಿ ||

(ರಾಗ ಶಂಕರಾಭರಣ. ಅಟ ತಾಳ) ಏನು ಬೇಡಲಿ ಹರಿಯ ||ಪ|| ಜಾಹ್ನವೀಜನಕನ ಕಂದರ್ಪನಯ್ಯನ ||ಅ.ಪ|| ಏನು ಬೇಡಲಿ ಚಿತ್ತ ಚಂಚಲ ಕಠಿನನ ಮೌನದಿಂದಲಿ ಧರೆ ಕೋರೆಲೆತ್ತಿದನ, ಇಂಥವನ || ಕರುಳಹಾರದವನ ಧರಣಿಯನು ಮೆಟ್ಟಿ ಈರಡಿ ಮಾಡಿದ ಕೊಲೆಗಡುಕನ, ಇಂಥವನ || ಅರಣ್ಯದಿ ಚರಿಸಿ ಸತಿಯ ಕಳೆದನ

(ರಾಗ ಸಾವೇರಿ. ತ್ರಿಪುಟ ತಾಳ) ಎಂಥಾ ಪುಣ್ಯವೆ ಗೋಪಿ ,ಎಂಥಾ ಭಾಗ್ಯವೆ ಯಶೋದೆ ಇಂಥಾ ಮಗನ ಕಾಣೆನೆ ||ಪ|| ಚಿಂತಿಸಿದರು ದೊರಕ ಚೆಲುವ ರಾಜಗೋಪಾಲ ಭ್ರಾಂತಿ ಮಾತುಗಳಲ್ಲವೆ, ಬಹು ನಿಜವೆ ||ಅ.ಪ|| ಸರಸಿಜನಾಭನ ಸುಮ್ಮನೆ ಕಂಡರೆ ದುರಿತವೆಲ್ಲವು ಪೋಪುದೆ

(ರಾಗ ಕಾನಡ ಆದಿ ತಾಳ ) ನೀನ್ಯಾಕೊ, ನಿನ್ನ ಹಂಗ್ಯಾಕೋ , ನಿನ್ನ ನಾಮದ ಬಲವೊಂದಿದ್ದರೆ ಸಾಕೋ ಕರಿ ಮಕರಿಗೆ ಸಿಕ್ಕಿ ಮೊರೆಯಿಡುತಿರುವಾಗ ಆದಿ ಮೂಲನೆಂಬ ನಾಮವೆ ಕಾಯ್ತೋ ಪ್ರಹ್ಲಾದನ ಪಿತ ಬಾಧಿಸುತಿರುವಾಗ ನರಹರಿಯೆಂಬ ನಾಮವೆ ಕಾಯ್ತೋ ಬಾಲೆಯ ಸಭೆಯಲಿ ಸೀರೆಯ ಸೆಳೆವಾಗ

(ರಾಗ ಶಂಕರಾಭರಣ. ತ್ರಿಪುಟ ತಾಳ ) ನಿನ್ನ ಭಕುತಿಯೆನು ಬೀರೋ, ದೇವ ಎನ್ನ ಮನ್ನಿಸಿ ಸಲಹುವರಾರೋ ||ಪ|| ಸನ್ನುತ ಸನ್ಮಾರ್ಗ ತೋರೋ, ಪ್ರ- ಸನ್ನ ರಕ್ಷಕ ಬೇಗ ಬಾರೋ ||ಅ.ಪ|| ಪನ್ನಗಶಯನ ಲಕ್ಷ್ಮೀಶ, ವೇದ- ಸನ್ನುತಪಾದ ಸರ್ವೇಶ ಇನ್ನು ಬಿಡಿಸೊ ಮೋಹಪಾಶ ಆ- ಪನ್ನ ರಕ್ಷಕ ಶ್ರೀನಿವಾಸ ||

(ರಾಗ ಪೂರ್ವಿ. ಝಂಪೆ ತಾಳ ) ನೀನೆ ಗತಿ ನೀನೆ ಮತಿ ನೀನೆ ಸ್ವಾಮಿ ನೀನಲ್ಲದನ್ಯತ್ರ ದೈವಗಳ ನಾನರಿಯೆ || ನಿನ್ನ ಪಾದಾರವಿಂದದ ಸೇವೆಯ ಮಾಡಿ ನಿನ್ನ ಧ್ಯಾನದಲಿರುವ ಹಾಗೆ ಮಾಡು ನಿನ್ನ ದಾಸರ ಸಂಗದಿಂದ ದೂರಿಡದೆನಗೆ ಸನ್ಮಾರ್ಗದಿರಿಸೊ ಜಗದೀಶ ಅಘನಾಶ ||

(ರಾಗ ಆನಂದಭೈರವಿ. ಅಟ ತಾಳ ) ನೀನೇ ದಯಾಳೋ ನಿರ್ಮಲ ಚಿತ್ತ ಗೋವಿಂದ ನಿಗಮ ಗೋಚರ ಮುಕುಂದ ||ಪ|| ಜ್ಞಾನಿಗಳರಸ ನೀನಲ್ಲದೆ ಜಗಕಿನ್ನು ಮಾನದಿಂದಲಿ ಕಾವ ದೊರೆಗಳ ನಾ ಕಾಣೆ ||ಅ.ಪ|| ದಾನವಾಂತಕ ದೀನಜನ ಮಂದಾರನೆ ಧ್ಯಾನಿಪರ ಮನ ಸಂಚಾರನೆ ಮೌನನಾದೆನು ನಿನ್ನ ಧ್ಯಾನಾನಂದದಿ ಈಗ

(ರಾಗ ಮೋಹನ. ಅಟ ತಾಳ ) ನಿಲ್ಲಬೇಕಯ್ಯ ಕೃಷ್ಣಯ್ಯ ನೀ ||ಪ|| ನಿಲ್ಲಬೇಕಯ್ಯ ಮಲ್ಲಮರ್ದನ ಸಿರಿ- ವಲ್ಲಭ ಎನ್ನ ಹೃದಯದಲ್ಲಿ ಸಂತತ ನೀ ||ಅ.ಪ|| ಸುಪ್ಪಾಣಿ ಮುತ್ತಿಟ್ಟು ನೋಡುವೆ, ಸದಾ ಚಪ್ಪಾಳೆ ತಟ್ಟಿ ನಾ ಪಾಡುವೆ ಅಪ್ಪಾ ಶ್ರೀ ಕೃಷ್ಣನೆ ಎತ್ತಿ ಮುದ್ದಿಸಿಕೊಂಬೆ

(ರಾಗ ಸೌರಾಷ್ಟ್ರ. ಆದಿ ತಾಳ ) ನೆನೆವೆ ನಾನುದಿನ ನಿಮ್ಮೀ ಮಹಿಮೆಯನು, ಮಧ್ವರಾಯ ||ಪ|| ಸನಕಾದಿವಂದ್ಯ ಸೇವಿತ ಪದಾಬ್ಜ ,ಮಧ್ವರಾಯ ||ಅ.ಪ|| ಕಲಿಮಲದಿಂ ಕಲುಷಿತವಾಗಲು ಜ್ಞಾನ, ಮಧ್ವರಾಯ ನಳಿನಾಕ್ಷನಾಜ್ಞದಿ ಇಳೆಯೊಳಗುದಿಸಿದ್ಯೋ, ಮಧ್ವರಾಯ ||

(ರಾಗ ಆನಂದಭೈರವಿ. ರೂಪಕ ತಾಳ ) ನಾರಾಯಣ ನಿನ್ನ ನಾಮದ ಸ್ಮರಣೆಯ ಸಾರಾಮೃತವೆನ್ನ ನಾಲಿಗೆಗೆ ಬರಲಿ ಕೂಡುವಾಗಲಿ ನಿಂತಾಡುವಾಗಲಿ ಮತ್ತೆ ಹಾಡುವಾಗಲಿ ಹರಿದಾಡುವಾಗಲಿ ಖೋಡಿ ವಿನೋದದಿ ನೋಡದೆ ನಾ ಬಲು ಮಾಡಿದ ಪಾಪ ಬಿಟ್ಟೋಡಿ ಹೋಗೋ ಹಾಗೆ ಊರಿಗೇ ಹೋಗಲಿ ಊರೊಳಗಿರಲಿ