---ರಾಗ ಮಧ್ಯಮಾವತಿ (ಭೂಪ್ ) ಅಟತಾಳ (ದೀಪಚಂದಿ) ಶಿವ ನೀನ್ಹ್ಯಾಗಾದ್ಯೋ ನರಪಶು ಶಿವ ನೀನ್ಹ್ಯಾಗಾದ್ಯೋ ಶಿವ ನೀನಾದರೆ ಶಿವನರಾಣಿ ನಿನಗ್ಯುವತಿ ಆದಳಲ್ಲೊ ಅವಿವೇಕಿ ಮನುಜಾ ||ಪ|| ಗರಗೊರಳೊಲಿ ಧರಿಸಿದ ಮಹದೇವನ ಸರಿಯಾಗುವಿಯಂತೊದರುತಿಹುವಿ ಪರಮಾನ್ನದಿ ಮಕ್ಷಿಕ ಬೀಳಲು ಉಂಡು ಕರಗಿಸಿಕೊಳ್ಳದೆ ಅಳುವ ಮುಗ್ಗಲುಗೇಡಿ ||೧|| ಕುಂಡಲಿಭೂಷಣ ಚಂಡವಿಕ್ರಮ ಕ- ಮಂಡಲುಧರನು ನಾನೆಂಬೀ ಕಂಡರೆ ಸರ್ಪನ ಕಳವಳಗೊಳುತೀ ಹೆಂಡಗಾರ ಹೆಣ ಮುಂಡೇಗಂಡ ||೨|| ನಂದಿವಾಹನ ಪುರಂದರಾದಿ ಸುರ- ವಂದ್ಯಹರನೇ ನಾನೆಂತೆಂಬೀ ಮಂದಮತಿಯೆ ಒಂದಿನ ಎತ್ತೇರಲು ಮಂದಿಯೊಳಗೆ ನೀ ನಿಂದಿತನಾಗುವಿ ||೩|| ಪೀತಾಂಬರ ನಿರ್ಭೀತ ಭೂತಗಣ- ನಾಥನೆ ನಾನೆಯೆಂತೆಂಬೀ ಧೋತರ ಬಿಟ್ಟರೆ ಪಾದರಕ್ಷೆಯಲಿ ಘಾತಿಸುವರು ನಿನ್ನ ಭೂತ ಸೋಕಿತೆಂದು ||೪||

----ರಾಗ ಕಾಂಬೋಧಿ (ಬಾಗೇಶ್ರೀ) ಝಂಪೆತಾಳ ಅರಿತವರಿಗತಿಸುಲಭ ಹರಿಯ ಪೂಜೆ ||ಪ|| ಅರಿಯದವ ನಿರ್ಭಾಗ್ಯತರ ಲೋಕದೊಳಗೆ ||ಅ.ಪ|| ಹೈಮಾಂಡ ಮಂಟಪವು ಭೂಮಂಡಲವೆ ಪೀಠ ಸೋಮಸೂರ್ಯರೆ ದೀಪ ಭೂರುಹಗಳು ಚಾಮರಗಳತಿ ವಿಮಲ ವ್ಯೋಮ ಮಂಡಲ ಛತ್ರ ಯಾಮಾಷ್ಟಕಗಳಷ್ಟದಳದ ಪದ್ಮವು ಎಂದು ||೧|| ಮಳೆಯೆ ಮಜ್ಜನವು ದಿಗ್ವಲಯಂಗಳೇ ವಸನ ಮಲಯಜಾನಿಲವೆ ಶ್ರೀಗಂಧಧೂಪ ಇಳೆಯೊಳಗೆ ಬೆಳೆವ ಧಾನ್ಯಗಳೆಲ್ಲ ನೈವೇದ್ಯ ಥಳಥಳಿಪ ಮಿಂಚು ಕರ್ಪೂರದಾರತಿ ಎಂದು ||೨|| ನಕ್ಷತ್ರಮಂಡಲವೆ ಲಕ್ಷದೀಪಾವಳಿಯು ದಕ್ಷಿಣೋತ್ತರ ಅಯನಗಳೆರಡು ಬನವು ವೃಕ್ಷದಲ್ಲಿಜ ಸಫಲ ಪುಷ್ಪಗಳೊಳಗೆ ಲಕ್ಷ್ಮೀ ವಕ್ಷವ್ಯಾಪಕನಾಗಿ ತಾನೆ ಭೋಗಿಪನೆಂದು ||೩|| ಗುಡುಗು ಸಪ್ತಸಮುದ್ರ ಸಿಡಿಲು ಘೋಷವೆ ವಾದ್ಯ ಪೊಡವಿಪರಿಗೀವ ಕಪ್ಪವೆ ಕಾಣಿಕೆ ಉಡುಪ ಭಾಸ್ಕರರ ಮಂಡಲಗಳಾದರ್ಶಗಳು

----ರಾಗ - ನಾದನಾಮಕ್ರಿಯೆ (ಸಾರಂಗ) ಅಟತಾಳ (ದೀಪಚಂದಿ) ಸಾರಿದ ಡಂಗುರ ಯಮನು-ಅಘ- ನಾರಿಯರೆಳೆದು ತಂದು ನರಕದೊಳಿಡು ಎಂದು ||ಅ.ಪ|| ಹೊತ್ತಾರೆ ಎದ್ದು ಪತಿಗೆ ಎರಗದವಳ ಮೃತ್ತಿಕೆ ಶೌಚ ಮಾಡದೆ ಇಪ್ಪಳ ಹೊತ್ತಾಗೆ ಮೈತೊಳೆದತ್ತಿಗೆ ನಾದಿನಿ ಅತ್ತೆ ಮಾವರ ಬೈವಳೆತ್ತಿ ತನ್ನಿರೊ ಎಂದು ||೧|| ತಿಲಕಾಯುಧವ ಬಿಟ್ಟು ಕುಂಕುಮವಿಡುವಳ ಬೆಳಗಾದ ಕಾಲಕ್ಕು ಮಲಗಿಪ್ಪಳ ಮಲಿನ ವಸ್ತ್ರವನುಟ್ಟು ಪತಿಬಳಿ ಪೋಪಳ ಕಲಹಕಾರಿಯ ಪಿಡಿದೆಳೆತನ್ನಿರೊ ಎಂದು ||೨|| ಉತ್ತಮ ಗುರುಹಿರಿಯರನು ನಿಂದಿಸುವಳ ಹೆತ್ತ ಮಕ್ಕಳ ಮಾರಿ ಬದುಕುವಳ ಪ್ರತ್ಯೇಕ ಶಯ್ಯದಿ ಮಲಗಿಪ್ಪಳ ನೀಚ- ವೃತ್ತಿಯಳ ಪಿಡಿದೆತ್ತಿ ತನ್ನಿರೊ ಎಂದು ||೩|| ಜಲಜಕ್ಕಿಸಾಳಿ ಕಂಬಳಿ ಲೋಳೀ ಬಕ್ಕಿ ಗೊಂ- ದಲ ಮೊದಲಾದುವು ದೈವವೆಂದು ತಿಳಿದು ಪಿಶಾಚಿ ಎಂಜಲನುಂಡು ಹಿಗ್ಗುವ

-------ರಾಗ- ಪಂತುವರಾಳಿ (ಮಾಲಕಂಸ್) ರೂಪಕತಾಳ (ಝಪ್ ತಾಲ್) ನೀಚನಲ್ಲವೆ ಇವನು ನೀಚನಲ್ಲವೆ ||ಪ|| ಕೀಚಕಾರಿಪ್ರಿಯನ ಗುಣವ ಯೋಚಿಸದಲಿಪ್ಪ ನರನು ||ಅ.ಪ|| ಜನನಿ ಜನಕರಂತೆ ಜನಾ- ರ್ದನನು ಸಲಹುತಿರಲು ಬಿಟ್ಟು ಧನಿಕರ ಮನೆ ಮನೆಗಳರಸಿ ಶುನಕನಂತೆ ತಿರುಗುತಿಹನು ||೧|| ಜೀವ ತಾನಕರ್ತೃವೆಂದು ದೇವನೊಬ್ಬ ಕರ್ತೃ ರಮಾ- ದೇವಿ ಮೊದಲುಗೊಂಡು ಹರಿಯ ಸೇವಕರೆಂದರಿಯದವನು ||೨|| ಲೋಕವಾರ್ತೆಗಳಲಿ ಏಡ ಮೂಕನಂತೆ ವಿಷಯಗಳವ- ಲೋಕಿಸದಲೆ ಶ್ರೀಶಗಿವು ಪ್ರ- ತೀಕವೆಂದು ತಿಳಿಯದವನು ||೩|| ಬಹಳ ದ್ರವ್ಯದಿಂದ ಗರುಡ ವಾಹನನಂಘ್ರಿ ಭಜಿಸಿ ಅನು- ಗ್ರಹವ ಮಾಡುಯೆಂದು ಬರಿದೆ ಐಹಿಕಸುಖವ ಬಯಸುವವನು ||೪|| ಶ್ರೀಕಳತ್ರನಂಘ್ರಿ ಕಮಲ- ವೇಕಚಿತ್ತದಲ್ಲಿ ಮನೋ- ವ್ಯಾಕುಲಗಳ ಬಿಟ್ಟು ಸುಖೋದ್ರೇಕದಿಂದ ಭಜಿಸುವವನು ||೫||

----- ರಾಗ ಕಾಂಬೋಧಿ (ಬಾಗೇಶ್ರೀ) ಝಂಪೆತಾಳ ಗತಿಯಾವುದೆನಗೆ ಶ್ರೀಪತಿಯೆ ಪೇಳೊ ||ಪ|| ಮತಿಗೆಟ್ಟು ಪ್ರತಿದಿನದಿ ಸತಿಯ ಬಯಸುವೆನೊ ||ಅ.ಪ|| ಮರುಳುಬುದ್ಧಿಗಳಿಂದ ಕರಸೂಚನೆಯ ಮಾಡಿ ತರಳೆಯರ ತಕ್ಕೈಸಿ ಸರಸವಾಡಿ ಇರುಳು ಹಗಲು ಹೀಗೆ ದುರುಳತನದಲಿ ತಿರುಗಿ ಧರೆಯೊಳಗೆ ನಾನೊಬ್ಬ ಹರಿದಾಸನೆನಿಸಿದೆನು ||೧|| ನಾಚಿಕೆಯ ತೊರೆದು ಬಲು ನೀಚರಲ್ಲಿಗೆ ಪೋಗಿ ಯಾಚಿಸುವೆ ಸುವಿಚಾರಹೀನನಾಗಿ ಆ ಚತುರ್ದಶ ವರುಷದಾರಭ್ಯ ಈ ವಿಧದಿ ಆಚರಿಪೆನೈ ಸವ್ಯಸಾಚಿಸಖ ಕೃಷ್ಣ ||೨|| ನಾನು ನನ್ನದು ಎಂಬ ಹೀನಬುದ್ಧಿಗಳಿಂದ ಜ್ಞಾನಶೂನ್ಯನು ಆದೆ ದೀನಬಂಧು ಸಾನುರಾಗದಿ ಒಲಿದು ನಾನಾಪ್ರಕಾರದಲಿ ನೀನು ಪಾಲಿಸು ಹರಿಯೆ ಜ್ಞಾನಗುಣಪರಿಪೂರ್ಣ ||೩|| ಅಂಬುಜಾಕ್ಷನೆ ನಿನ್ನ ನಂಬಿ ಭಜಿಸುವರ ಪಾ- ದಾಂಭುಜಕ್ಕೆರಗದಲೆ ಸಂಭ್ರಮದಲಿ

--- ರಾಗ ಕಾಂಬೋಧಿ(ಭೂಪ್ ) ಝಂಪೆತಾಳ ನಿನ್ನ ಸಂಕಲ್ಪಾನುಸಾರ ಮಾಡೋ ಎನ್ನ ಸಾಕುವ ದೊರೆಯೆ ಮಾನ್ಯ ಮಾನದನೇ ||ಪ|| ಪಾತ್ರನೆಂದೆನಿಸೋ ಪಾಪಾತ್ಮನೆಂದೆನಿಸೋ , ಇವ ಶ್ರೋತ್ರಿಯನೆಂದೆನಿಸೋ ಬಲುಶುಂಠನೆಂದೆನಿಸೋ ಪುತ್ರ-ಮಿತ್ರಾದ್ಯರಿಂ ಬೈಸೋ , ಪೂಜೆಯ ಗೈಸೋ ಕರ್ತು ನೀ ಜಗಕೆ ಸರ್ವತ್ರವ್ಯಾಪಕ ದೇವ ||೧|| ಜನರೊಳಗೆ ನೀನಿದ್ದು ಜನ್ಮಜನ್ಮಗಳಲಿ ಗುಣಕಾಲ ಕರ್ಮ ಸ್ವಭಾವಂಗಳ ಅನುಸರಿಸಿ ಪುಣ್ಯ-ಪಾಪಂಗಳ ಮಾಡಿಸಿ ಫಲಗಳ ಉಣಿಸಿ ಮುಕ್ತರ ಮಾಡಿ ಪೊರೆವ ಕರುಣಾಳೋ ||೨|| ಯಾತಕೆಮ್ಮನು ಇನಿತು ದೂರಕನ ಮಾಡುವಿ ಧರಾತಳದೊಳನುದಿನದಿ ಮಾಯಾಪತೇ ಭೀತಿಗೊಂಬುವನಲ್ಲ ಭಯನಿವಾರಣ ಜಗ- ನ್ನಾಥವಿಠಲ ಜಯಪ್ರದನೇ ಜಗದೀಶಾ ||೩||

---- ರಾಗ -ಪಂತುವರಾಳಿ(ಯಮನ್) ಆದಿತಾಳ(ಝಪ್) ಪತಿತಪಾವನ ಪೂರ್ಣಕಾಮ ನೀನೇ ||ಪ|| ಗತಿ ಎನಗೆ ಸಂತತ ಪರಂಧಾಮ ||ಅ.ಪ|| ಕೃಪಣ ವತ್ಸಲನೆ ಎಮ್ಮಪರಾಧಗಳ ನೋಡಿ ಕುಪಿತನಾಗುವರೇನೋ ಸುಫಲದಾಯಿ ನೃಪಗನಿರುದ್ಧ ಬಿನ್ನಪವ ಮಾಡುವೆ ನಿನಗೆ ಚಪಲರಾಗಿಹರೊ ಕಾಶ್ಯಪಿ ಸುರರನು ಕಾಯೊ ||೧|| ಮಾನ್ಯಮಾನದ ಬ್ರಹ್ಮಣ್ಯದೇವ ನೀನೆಂದು ಉನ್ನತ ಶ್ರುತಿಗಳು ಬಣ್ಣಿಸುತಿಹವು ಸನ್ನುತ ಮಹಿಮನೆ ನಿನ್ನ ಪೊಂದಿದವರ ಬನ್ನಬಡಿಪುದು ನಿನಗಿನ್ನು ಧರ್ಮವಲ್ಲ ||೨|| ಹಲವು ಮಾತುಗಳಾಡಿ ಫಲವೇನು ಬ್ರಾಹ್ಮಣಕುಲಕೆ ಮಂಗಳವೀಯೊ ಕಲುಷದೂರ ಸುಲಭದೇವೇಶ ನಿನ್ನುಳಿದು ಕಾಯ್ವರಕಾಣೆ ಬಲಿಯ ಬಾಗಿಲ ಕಾಯ್ದ ಜಗನ್ನಾಥವಿಠಲ ||೩||

---- ರಾಗ ಯರಕಲ ಕಾಂಬೋಧಿ (ಕಾಫಿ) ಅಟತಾಳ(ತೀನ್ ತಾಲ್) ಮನವೆ ಮರೆವರೇನೊ ಹರಿಯ ಬಹು ||ಪ|| ಜನುಮಗಳಲಿ ಪಟ್ಟ ಬವಣೆಗಳರಿಯ ||ಅ.ಪ|| ವಿಷಯ ಚಿಂತನೆ ಮಾಡೆ ಸಲ್ಲ ಮೇಷ ವೃಷಣನಾದನು ಪೌಲೋಮಿಯ ನಲ್ಲ ಝಷಕೇತುವಿನ ಮೇಳಹೊಲ್ಲ ನಿ- ರಶನನಾಗೊ ಯಮರಾಯ ಎಂದೆಂದು ಕೊಲ್ಲ ||೧|| ಧನವೆ ಜೀವನವೆಂಬೆ ನೀನು, ಸುಯೋ- ಧನನ ನೋಡು, ಧನದಿಂದ ಏನಾದ ಕೊನೆಗೆ ಅನಿರುದ್ಧದೇವನ ಮನೆಗೆ ಪೋಪ ಘನವಿಜ್ಞಾನ ಸಂಪಾದಿಸೊ ಕೊನೆಗೆ ||೨|| ಹರಿದಾಸನಾಗಿ ನೀ ಬಾಳೋ , ಗುರು- ಹಿರಿಯರ ಪಾದಕಮಲಕೆ ನೀ ಬೀಳೊ ನರರ ನಿಂದಾಸ್ತುತಿ ತಾಳೋ, ದೇಹ ಸ್ಥಿರವಲ್ಲ ಸಂಸಾರ ಬಲು ಹೇಯ ಕೇಳೊ ||೩|| ಜಿತನಾಗಿ ಪೇಳುವೆ ಸೊಲ್ಲ, ಹರಿ- ಕಥೆಯಲ್ಲಿ ನಿರತನಾಗಿರು, ಲೋಹಕಲ್ಲ ಪ್ರತಿಮೆ ಪೂಜಿಸಲಲ್ಲೇನಿಲ್ಲ , ಪರೀ- ಕ್ಷಿತನೆಂಬ ರಾಯ ಈ ಮಹಿಮೆಯ ಬಲ್ಲ ||

---ರಾಗ ಮೋಹನ (ಭೂಪ್) ಝಂಪೆತಾಳ ಸಿರಿರಮಣ ತವ ಚರಣ ದೊರಕುವದು ಹ್ಯಾಗಿನ್ನು ಪರಮ ಪಾಪಿಷ್ಠ ನಾನು || ಪ|| ನರಹರಿಯೆ ನಿನ್ನ ನಾಮಸ್ಮರಣೆ ಮಾಡದೆ ವ್ಯರ್ಥ ನರಕಕ್ಕೆ ಗುರಿಯಾದೆನೊ ಇನ್ನು ||ಅ.ಪ|| ಕೆರೆ ಭಾವಿ ದೇವಮಂದಿರಗಳನು ಕೆಡಿಸಿ , ದಿವ್ಯ ಹಿರಿದಾಗಿ ಮನೆ ಕಟ್ಟಿದೆ ನೆರೆ ನಡೆವ ಮಾರ್ಗದೊಳು ಅರವಟ್ಟಿಗೆಗಳನು ಥರಥರದಿ ಬಿಚ್ಚಿ ತೆಗೆದೆ ಪರಮ ಸಂಭ್ರಮದಿಂದ ಅರಳಿಯ ಮರ ಕಡಿಸಿ ಕೊರೆಸಿ ಬಾಗಿಲ ಮಾಡಿದೆ ಪವನ ಮಂದಿರವ ಮುಗಿಸಿ ಹರುಷ ಚಿತ್ರವ ಬರೆಸಿ ಪರಿಪರಿಯ ಸೌಖ್ಯ ಸುರಿದೆ ಮೆರೆದೆ ||೧|| ಹೊಸಮನೆಯ ಕಂಡು ಬಲು ಹಸಿದು ಭೂಸುರರು ಬರೆ ಕೊಸರಿ ಹಾಕುತ ದಬ್ಬುತ ಶಶಿಮುಖಿಯೆ ಬಾರೆಂದು ಅಸವಸದಿ ಬಣ್ಣಿಸುತ ಹಸನಾಗಿ ಅವಳೊಲಿಸುತ ದಶಮಿ ಏಕಾದಶಿ ದ್ವಾದಶಿ ದಿನದಲಿ ಅಶನವೆರಡ್ಹೊತ್ತುಣ್ಣುತ

----ರಾಗ ಮಧ್ಯಮಾವತಿ (ಭೂಪ) ಅಟತಾಳ(ದೀಪಚಂದಿ) ಪಿಡಿಯೆನ್ನ ಕೈಯ್ಯ ರಂಗಯ್ಯ ||ಪ|| ಪಿಡಿಯೆನ್ನ ಕೈಯ್ಯ ಪಾಲ್ಗಡಲೊಡೆಯನೆ ಮೋಹ- ಮಡುವಿನೊಳ್ಬಿದ್ದು ಬಾಯ್ಬಿಡುವೆ, ಬೇಗನೆ ಬಂದು ||ಅ.ಪ|| ನೀರಜನಾಭ ನಂಬಿದೆ ನಿನ್ನ ನೀರಪ್ರದಾಭಾ ಕಾರುಣ್ಯನಿಧಿ ಲಕ್ಷ್ಮೀನಾರಸಿಂಹನೆ ಪರಿ- ವಾರ ಸಹಿತ ಈ ಶರೀರದೊಳಡಗಿದ್ದು ಘೋರತರ ಸಂಸಾರ ಪಂಕದಿ ಚಾರಿವರಿದೆನೊ ದೂರನೋಳ್ಪರೆ ಹೇ ರಮಾಪತೆ ಗಾರುಮಾಡದೆ ಚಾರುವಿಮಲ ಕರಾರವಿಂದದಿ ||೧|| ಅನಿಮಿತ್ತ ಬಂಧು ನೀನೇ ಗತಿ ಗುಣಗಣಸಿಂಧು ಅನಘನೆ ಸೇವಿಸುವೆನೊ ವಿಧಿಭವಸಕ್ರಂ- ದನ ಮುಖ್ಯದೇವ ಸನ್ಮುನಿಗಣಾರ್ಚಿತ ಪಾದ ಅನುಜ ತನುಜಾಗ್ರಜ ಸದಾಣುಗ ಜನನಿ ಜನಕ ಪಶು ಕೃಷೀ ಧನ ಘನಸದನ ಸಂಹನನ ಮೊದಲಾ-