ಪುರಂದರದಾಸ

(ರಾಗ ಆನಂದಭೈರವಿ ಝಂಪೆತಾಳ )

ನೋಡದಿರು ಪರ ಸ್ತ್ರೀಯರ ||ಪ||

ನೋಡಿದರೆ ಕೇಡಹದು ತಪ್ಪದಿದಕೋ ||ಅ||

ನೋಡಿದರೆ ಸ್ತ್ರೀಹತ್ಯವು, ನುಡಿಸಿ ಮಾತಾಡಿದರೆ ಗೋಹತ್ಯವು

ಕಾಡಿದರೆ ಶಿಶುಹತ್ಯವು ಮೈಗೂಡಿದರೆ ಬ್ರಹ್ಮಹತ್ಯವು ||

ಎರಳೆಗಂಗಳರೊಲುಮೆಗೆ ಮರುಳಾಗಿ ಬರಿದೆ ನೀ ಕೆಡಬೇಡವೋ

ದುರುಳ ಯಮಲೋಕದಲ್ಲಿ ಕರೆದೊಯ್ದು ಉರಿಗಂಬವಪ್ಪಿಸುವರೋ ||

ಮರುಳು ಮಾನವನೆ ಕೇಳೋ ಪರಸತಿಯು ಉರಿಯೆಂದು ನೋಡು ನಿತ್ಯ

ವರದ ಪುರಂದರವಿಠಲನ ನೆನೆದರೆ ಸ್ಥಿರವಾದ ಮುಕುತಿಯಹುದು ||