ಬಂದಾನು ಯಮನು

(ರಾಗ ಪೂರ್ವಿ ಅಟತಾಳ ) ಬಂದಾನು ಯಮನು , ದುಷ್ಟರ ಕೊಂದಾನು ಯಮನು ||ಪ|| ಕೆರೆ ಭಾವಿ ಕಟ್ಟುವರಿಲ್ಲಿ , ದೊಡ್ಡ ದೊರೆತನವಾಳುವರಲ್ಲಿ ಕರೆದೆನ್ನ ಇಕ್ಕುವರಿಲ್ಲಿ , ಸಿರಿಸಂಪನ್ನರಾಗಿಹರಲ್ಲಿ || ಗಂಡನ ಬೈಯುವರಿಲ್ಲಿ , ಯಮದಂಡ ಹೊರಿಸುವರಲ್ಲಿ ಉಂಡಮನೆ ಕೊಂಬರಿಲ್ಲಿ , ಯಮಕೊಂಡಕ್ಕೆ ನೂಕುವರಲ್ಲಿ || ಪರಸತಿ ಕೂಡುವರಿಲ್ಲಿ , ಉರಿಕಂಬ ತಕ್ಕೈಸುವರಲ್ಲಿ ಪರಿಭೇದ ಪಂಕ್ತಿಗಳಿಲ್ಲಿ , ಪರಿಪರಿಯ ಭಂಗಗಳಲ್ಲಿ || ತಾಯ್ತಂದೆ ಸೇವೆಗಳಿಲ್ಲಿ , ಸುರರೆಲ್ಲ ಮೆಚ್ಚುವರಲ್ಲಿ ಗುರುಗಳ ಉಪದೇಶವಿಲ್ಲಿ , ಗುರುಮರುತರು ತೋಷಿಪರಲ್ಲಿ || ದಾನಧರ್ಮಂಗಳಿಲ್ಲಿ , ಸುಖಾನುಭೋಗ ಮೋಕ್ಷವಲ್ಲಿ ಧ್ಯಾನವ ಮಾಡುವದಿಲ್ಲಿ , ಪುರಂದರವಿಠಲನ ಕಾಣ್ವುದಲ್ಲಿ ||