ಪುರಂದರದಾಸ

(ರಾಗ ಕಾಂಭೋಜ ಝಂಪೆತಾಳ ) ಈ ಪರಿಯ ಸೊಬಗು ಇನ್ನಾವ ದೇವರಲಿ ಕಾಣೆ ||ಪ|| ಗೋಪೀಜನಪ್ರೀಯ ಗೋಪಾಲಗಲ್ಲದೆ ||ಅ|| ದೊರೆಯತನದಲಿ ನೋಡೆ ಧರಣಿದೇವಿಗೆ ರಮಣ ಸಿರಿಯತನದಲಿ ನೋಡೆ ಶ್ರೀಕಾಂತನು ಹಿರಿಯತನದಲಿ ನೋಡೆ ಸರಸಿಜೋದ್ಭವನಯ್ಯ ಗುರುವುತನದಲಿ ನೋಡೆ ಜಗದಾದಿ ಗುರುವು ||

(ರಾಗ ನೀಲಾಂಬರಿ ಅಟತಾಳ) ಕಂಡೆ ನಾ ಉಡುಪಿಯ ಕೃಷ್ಣರಾಯನ್ನ , ಭೂ- ಮಂಡಲದೊಳಗೆ ಉ- ದ್ದಂಡ ಮೋಹಿಪನ ||ಪ|| ಸಮುದ್ರವ ನಾ ಕಂಡು ಸ್ನಾನಾದಿಗಳ ಮಾಡಿ ಚಂದ್ರಮೌಳೀಶ್ವರನ ಚರಣಕೆರಗಿ ಆಮೇಲೆ ನಾಬಂದು ಅನಂತೇಶ್ವರನ್ನ ಕಂಡು ಹನುಮಂತನ ಪಾಡಿ ಮನದಿ ನಿಲಿಸಿ ||

ರಾಗ ಕಾಂಭೋಜ ಆದಿತಾಳ ಜೇನು ಬಂದಿದೆ , ಜನರು ಜೇನು ಕೊಳ್ಳಿರೋ ||ಪ|| ಮಧುರವಾದ ಕೊಂಬುಜೇನು ಮಾಧವನ ನಾಮಸ್ಮರಣೆ ಸದರವಾದ ಜನರಿಗಿಲ್ಲ ಜನನಮರಣ ಒಯ್ಹಬ್ಯಾಗೆ ಸತ್ತಸಾಯದವರಿಗೆ ಪರ ಇಹಂಗಳೆರಡು ಉಂಟು, ನಮ್ಮ ಪದ್ಮನಾಭನ ನಾಮಸ್ಮರಣೆ ಸದನ ಮಾಡಿಕೊಂಬವರಿಗೆ ||

(ರಾಗ ನವರೋಜು ಆದಿತಾಳ) ಡೊಂಕು ಬಾಲದ ನಾಯಕರೆ ನೀವೇನೂಟವ ಮಾಡಿದಿರಿ ||ಪ|| ಕಣಕ ಕುಟ್ಟೋ ಅಲ್ಲಿಗೆ ಹೋಗಿ ಹಣಿಕಿ ಹಣಿಕಿ ನೋಡುವಿರಿ ಕಣಕ ಕುಟ್ಟೋ ಒನಕೆಲಿ ಬಡೆದರೆ ಕೈಂ ಕುಂಯಿ ರಾಗವ ಮಾಡುವಿರಿ || ಹುಗ್ಗಿ ಮಾಡೋ ಅಲ್ಲಿಗೆ ತಗ್ಗಿ ಬಗ್ಗಿ ನೋಡುವಿರಿ

(ರಾಗ ಧನಶ್ರೀ ಆದಿತಾಳ ) ಕರುಣಾಕರ ನೀನೆಂಬುವದೇತಕೋ ಭರವಸೆಯಿಲ್ಲೆನಗೆ ||ಪ|| ಪರಿಪರಿಯಲಿ ಈ ಜನ್ಮವನಿತ್ತು ತಿರುಗಿ ತಿರುಗಿ ಮನ ಕರಗಿಸುವುದ ಕಂಡು || ಕರಿಧ್ರುವ ಬಲಿ ಪಾಂಚಾಲಿ ಅಹಲ್ಯೆಯ ಪೊರೆದವ ನೀನಂತೆ ಅರಿತು ವಿಚಾರಿಸಿ ನೋಡಲದೆಲ್ಲವು

(ರಾಗ ಅಸಾವೇರಿ ಅಟತಾಳ) ನಾರಾಯಣ ನಿನ್ನ ನಾಮದ ಸ್ಮರಣೆಯ ಸಾರಾಮೃತವೆನ್ನ ಬಾಯಿಗೆ ಬರಲಿ, ಬಾ ರಂಗ ||ಪ|| ಆಡುವಾಗ ನಲಿದಾಡುವಾಗಲಿ ನೋಡುತ ನಿಂದು ಮಾತಾಡುವಾಗ ಕೇಡುತನದಿಂದ ಕೂಡಿ ಈ ಭವದೊಳು ಮಾಡಿದ ಪಾಪವು ಓಡಿ ಹೋಗುವ ಹಾಗೆ || ಉರಿ ಬಂದಾಗಲಿ ಛಳಿ ಬಂದಾಗಲಿ

(ರಾಗ ಧನಶ್ರೀ. ಆದಿತಾಳ ) ಹರಿನಾಮ ಕೀರ್ತನೆ ಅನುದಿನ ಮಾಳ್ಪಗೆ ನರಕ ಭಯಗಳುಂಟೆ ||ಪ|| ಹರಿನಾಮವೊಂದೆ ಯಮನಾಳ್ಗಳನೊದೆದು ಅಜಮಿಳನಿಗೆ ಸುಕ್ಷೇಮವಿತ್ತ ಹರಿ ||ಅ|| ಕೇಸರಿಗಂಜದ ಮೃಗವುಂಟೆ ದಿನೇಶನಿಗಂಜದ ತಮವುಂಟೆ ವಾಸುದೇವ ವೈಕುಂಠ ಜಗನ್ಮಯ ಕೇಶವ ಕೃಷ್ಣಾ ಎಂದುಚ್ಚರಿಸುತ ||

(ರಾಗ ಕಾಂಭೋಜ. ಛಾಪು ತಾಳ ) ನಿತ್ಯವಲ್ಲ ಅನಿತ್ಯ ದೇಹವಿದಣ್ಣ ||ಪ|| ಮತ್ತೆ ಮುರಾರಿ ಕೃಷ್ಣನ ನೆನೆಯಲು ಮುಕ್ತಿಗೆ ಸಾಧನವಣ್ಣ ಪ್ರಾಣಿ ||ಅ|| ಮಾನಿನಿಯರ ಕುಚಕೆ ಮರುಳಾಗದಿರು ಮಾಂಸದ ಗಂಟುಗಳಲ್ಲಿ ನಾನಾ ಪರಿಯಲಿ ಮೋಹವ ಪಡದಿರು ಹೀನ ಮೂತ್ರದ ಕುಳಿಯಲ್ಲಿ

(ರಾಗ ಕೋರೆ ಅಟತಾಳ) ನೀರೆ ನೀ ಕರೆತಾರೆ ಮಾರಸುಂದರನ ಮಾರಸುಂದರನ ಸುಕುಮಾರಸುಂದರನ ||ಪ|| ಗೊಲ್ಲರ ಮನೆಯೊಳಗಿದ್ದ ಪಾಲ್ಮೊಸರ ಮೆಲ್ಲನೆ ಮೆಲ್ಲುವ ವಲ್ಲಭ ಶ್ರೀ ಹರಿಯ || ಯಾದವರೆಲ್ಲ ಆದರಿಸಿದನ ವೇದವೇದಾಂತನ ಯಾದವಪ್ರಿಯನ || ವರಗೌರಿಪುರದಲ್ಲಿ ವಾಸವಾಗಿಹನ

( ರಾಗ ಕಾಂಭೋಜ. ಛಾಪು ತಾಳ) ಪತಿಭಕುತಿ ಇಲ್ಲದಿಹ ಸತಿಯ ಸಂಗ ವ್ರತಗೆಟ್ಟು ಸುಖ ಪಡೆಯಲಿಲ್ಲವೋ ರಂಗ ||ಪ|| ಗಂಡ ಬಂದರೆ ಎದ್ದು ನಿಲ್ಲದೆ ಮಂಚದ ಮೇಲೆ ಚಂದದಲಿ ಕುಳಿತು ಮಾತಾಡುತಿಹಳ ಅಂದೆಲ್ಲವನು ಮೀರಿ ಕಾಡಿ ಬೇಡುವ ಸತಿಯು ಗಂಡುತೊತ್ತಿನ ಸಂಗವಭಿಮಾನ ಭಂಗ ||