ಪುರಂದರದಾಸ

( ರಾಗ ಸುರುಟಿ ಆದಿತಾಳ) ವಾಸಕೆ ಯೋಗ್ಯವಲ್ಲ ಗೋಕುಲವಿನ್ನು ಬೇಸರವಾಯಿತಲ್ಲ ||ಪ|| ದೋಷ ರಹಿತ ಸೋಳ ಸಾಸಿರ ಹೆಂಗಳ ಶೇಷಶಯನ ಕೃಷ್ಣ ಮೋಸ ಮಾಡಿದ ಮೇಲೆ ||ಅ|| ರಂಗ ಮಧುರೆಗೆಂದು ಅಕ್ರೂರನ ಸಂಗಡ ಪೋದನಂತೆ ಆಂಗಜನಯ್ಯನ ಸಂಗವಿಲ್ಲದ ಮೇಲೆ ಹೆಂಗಳ ಜನ್ಮವಿನ್ನೇತಕೆ ಸುಡಲಿ ||

ತನುವೆಂಬ ದೊಡ್ಡ ದೋಣಿಯಲಿ ಹರಿಯ ನಾಮವೆಂಬ ಭಾಂಡವ ತುಂಬಿ ವ್ಯವಹಾರವನು ಮಾಡುವೆನಯ್ಯಾ ಇಂದ್ರಿಯಗಳೆಂಬ ಸುಂಕಿಗರು ಅಡ್ದಾದರೆ ಮುಕುಂದನ ಮುದ್ರೆಯ ತೋರಿ ಹೊಳೆಯ ದಾಟುವೆನಯ್ಯಾ ಪುರಂದರವಿಠಲನಲ್ಲಿಗೆ ಪೋಗಿ ಮುಕುತಿ ಸುಖದ ಲಾಭವ ಪಡೆವೆ ನಾ ||

ಧನದಾಸೆ ದೈನ್ಯ ಪಡಿಸುತಿದೆ ವನಿತೆಯರಾಸೆ ಓಡಾಡಿಸುತಿದೆ ಮನದಾಸೆ ಮಂತ್ರವ ಕೆಡಿಸುತಿದೆ ಮನೆವಾರ್ತೆಯಾಸೆ ಮನವ ಬಾಧಿಸುತಿದೆ ಇನಿತರಾಸೆಯ ಬಿಡಿಸಿ ನಿನ್ನ ಚರಣಂಗಳ ನೆನೆವಂತೆ ಮಾಡೊ ಪುರಂದರವಿಠಲ _________________________ ಗುರಿಯನೆಚ್ಚವನೆ ಬಿಲ್ಲಾಳು

( ರಾಗ ಸುರುಟಿ ಅಟತಾಳ) ವೈದ್ಯನ ನಾನರಿಯೆ, ಭವರೋಗವೈದ್ಯ ನೀನೇ ಹರಿಯೇ ||ಪ|| ಭವರೋಗಕೆ ಬಂಧು ನೀನೆ ||ಅ|| ಕೃಷ್ಣ ನೀ ಕೈ ಪಿಡಿದು ಕಪಟದಿ ಉಷ್ಣವಾಯು ಜರಿದು ವಿಷ್ಣುಭಕ್ತಿ ನಿನ್ನ ಸೇವೆ ಎನಗಿತ್ತು ಉತ್ಕೃಷ್ಟನ ಮಾಡೆನ್ನ ಕಷ್ಟ ಪಡಿಸದೆ ||

( ರಾಗ ನಾದನಾಮಕ್ರಿಯೆ ಅಟತಾಳ) ಊರ ದೇವರ ಮಾಡಬೇಕಣ್ಣ, ತನ್ನೊಳಗೆ ತಾನೆ, ಊರ ದೇವರ ಮಾಡಬೇಕಣ್ಣ ||ಪ|| ಊರ ದೇವರ ಮಾಡಿರೆಂದು ಸಾರುತಿದೆ ಶ್ರುತಿ ಸ್ಮೃತಿಗಳು ದ್ವಾರಗಳ ಒಂಭತ್ತು ಮುಚ್ಚಿ ನಿಲ್ಲಿಸಿ ಧ್ಯಾನ ಭ್ರೂಮಧ್ಯದಿ ||ಅ| ಎಷ್ಟು ಯುಗಗಳು ತೀರಿ ಹೋಯಿತಣ್ಣ, ದೇವರ ಮಾಡದೆ

(ರಾಗ ಕಾಂಭೋಜ ಆದಿತಾಳ ) ನೋಡು ನೋಡು ನೋಡು ಕಂಡ್ಯ ಹೀಗೆ ಮಾಡುತಾನೆ ಗಾಡಿಗಾರ ನಿನ್ನ ಮಗ ಕೃಷ್ಣರಾಯ ಕಾಣೆ ||ಪ|| ಸೆರಗ ಪಿಡಿದು ಬಂದು ನಮ್ಮ ಸ್ತನವ ಪಿಡಿವುತಾನೆ ಮರೆಗೆ ನಿಂತು ಕರದಿ ಸನ್ನೆ ತಿರುಗಿ ಮಾಡುತಾನೆ ಎರಳಯಂತೆ ಎರಗಿ ಬಂದು ಮೇಲೆ ಬೀಳುತಾನೆ, ಈ

(ರಾಗ ಕನ್ನಡಕಾಂಭೋಜ ಏಕತಾಳ ) ನೋಡೆ ಗೋಪಿ ನೋಡೆ ಗಾಡಿಗಾರ ಕೃಷ್ಣನ ದುಡುಕು ಮಾಡುವ ಮಾಟಂಗಳೆಲ್ಲ ||ಪ|| ಅಡಿಗಡಿಗೆ ಮಡದಿಯರುಟ್ಟಿರುವ ಬಿಡದೆ ನಿರಿಗಳ ಮೆಲ್ಲನೆ ಹರಡುವ ಜಡಿಜಡಿದುಡಿಯ ಮೇಲಿಹೋ ಮಕ್ಕಳ ಕೆಡಹಿ ತೊರೆದ ಮೊಲೆಗಳನುಂಬವನ || ಏನೆಂದಳದಿರೋ ಕೃಷ್ಣಾ ಎಂದು

(ರಾಗ ಖಮಾಸ್ ಆದಿತಾಳ ) ನೋಡಬಾರದು ಎಂದಿಂದಿಗೂ ನೋಡಬಾರದು ಈ ಮೂರ್ಖನ್ನ ಈ ಘಾತಕನ ಈ ಪಾಪಿಯ ||ಪ|| ನೋಡಿದರೆ ಸೂರ್ಯನ್ನ ನೋಡಿ ಪರಮಾತ್ಮನ ಸ್ಮರಿಸಬೇಕು ||ಅ|| ಅಶ್ರದ್ಧೆಯಿಂದ ಹರಿಚಿಹ್ನೆ ಇಲ್ಲದವರ ವಿಶ್ವಾಸಘಾತಕ ವೇಷಧಾರಿಯರ

(ರಾಗ ಕೇದಾರಗೌಳ ಝಂಪೆತಾಳ ) ನಿನ್ನನೆ ನಂಬಿದೆನು ನೀನೆನ್ನ ಸಲಹಯ್ಯ ಎನ್ನ ಗುಣ ದೋಷಗಳ ಎಣಿಸಬೇಡಯ್ಯ ||ಪ|| ಆಸೆಯೆಂಬುದು ಅಜನ ಲೋಕಕ್ಕೆ ಮುಟ್ಟುತಿದೆ ಬೇಸರದೆ ಸ್ತ್ರೀಯರೊಳು ಬುದ್ಧಿಯೆನಗೆ ವಾಸುದೇವನೆ ಸ್ಮರನೆ ಒಮ್ಮೆ ಮಾಡಿದವನಲ್ಲ

(ರಾಗ ಆನಂದಭೈರವಿ ಛಾಪುತಾಳ ) ನಿನ್ನ ನಂಬಿದೆ ನೀರದಶ್ಯಾಮ ||ಪ|| ಎನ್ನ ಪಾಲಿಸೊ ಸೀತಾರಾಮ ||ಅ|| ಪಾರವಿಲ್ಲದೆ ಸಂಸಾರವು ಅಪಾರವಾರಿಧಿಯೊಳು ಮುಣುಗಿದೆ ನಾನು ನಾರಿ ಸುತರು ತನ್ನವರೆಂದು ಭ್ರಾಂತಿಯಲಿ ಬಿದ್ದು ನೊಂದೆನೊ ಹರಿಯೆ ||