ಹರಿ ಹರಿ ಹರಿಯೆಂಬೊ

( ರಾಗ ಧನಶ್ರೀ ಆದಿ ತಾಳ) ಹರಿ ಹರಿ ಹರಿಯೆಂಬೊ ನರಗಿನ್ನೇತರ ಭಯವಿಲ್ಲಿಲ್ಲಲ್ಲಾ ||ಪ|| ಧ್ರುವಗೊಲಿದವ ಶ್ರೀಶಾ ಹುಸ್ಸೆನ್ ಧ್ರುವಪದವಿತ್ತನೆ ಹುಸ್ಸೆನ್ ಭಾವಶುದ್ದಿ ಇರುವಲ್ಲಲ್ಲಿ ಭವಭಯವೆಂಬೊದಿಲ್ಲಲ್ಲಾ || ಕರಿಮೊರೆ ಕೇಳಿದ ಶ್ರೀಶಾ ಹುಸ್ಸೆನ್ ಹರಿ ಓಡಿ ಬಂದದ್ಯಾ ಹುಸ್ಸೆನ್ ಹರಿಯ ಭಕ್ತಿಗಳಿಂದಲಿ ದುರಿತಭಯ ನಮಗಿಲ್ಲಲ್ಲಾ || ಕರುಣಾಕರ ಶ್ರೀಶ ಹುಸ್ಸೆನ್ ಗರುಡವಾಹನನೆಂಬ ಹುಸ್ಸೆನ್ ಅರಿತು ಬಂದೆನಲ್ಲಲ್ಲಿ ಪುರಂದರವಿಠಲನ್ನಲ್ಲದಿಲ್ಲಲ್ಲಾ ||