ಹರಿಚಿತ್ತ ಸತ್ಯ

( ರಾಗ ಪೂರ್ವಿಕಲ್ಯಾಣಿ. ಅಟ ತಾಳ) ಹರಿಚಿತ್ತ ಸತ್ಯ ಹರಿಚಿತ್ತ ||ಪ|| ನರಚಿತ್ತಕೆ ಬಂದದ್ದು ಲವಲೇಶ ನಡೆಯದು ||ಅ| ಸುದತಿ ಮಕ್ಕಳ ಭಾಗ್ಯ ಬಯಸೋದು ನರಚಿತ್ತ ಮದುವ್ಯಾಗದಿರುವುದು ಹರಿಚಿತ್ತವು ಕುದುರೆ ಅಂದಣ ಆನೆ ಬಯಸೋದು ನರಚಿತ್ತ ಪದಚಾರಿಯಾಗೋದು ಹರಿಚಿತ್ತವಯ್ಯ || ವಿಧವಿಧ ಯಾತ್ರೆಯ ಬಯಸೋದು ನರಚಿತ್ತ ಒದಗಿ ಬರುವ ರೋಗ ಹರಿಚಿತ್ತವು ಸದಾ ಅನ್ನದಾನವ ಬಯಸೋದು ನರಚಿತ್ತ ಉದರಕ್ಕೆ ಅಳುವುದು ಹರಿಚಿತ್ತವಯ್ಯ || ಧರಣಿಯನಾಳಬೇಕೆಂಬುದು ನರಚಿತ್ತ ಪರರ ಸೇವಿಸುವುದು ಹರಿಚಿತ್ತವು ಪುರಂದರವಿಠಲನ ಬಯಸೋದು ನರಚಿತ್ತ ದುರಿತವ ಕಳೆವುದೆ ಹರಿಚಿತ್ತವಯ್ಯ ||