ಸುಲಭವಲ್ಲವೊ ಮಹಾನಂದ

( ರಾಗ ನಾದನಾಮಕ್ರಿಯೆ. ಛಾಪು ತಾಳ) ಸುಲಭವಲ್ಲವೊ ಮಹಾನಂದ, ತನ್ನೊಳಗೆ ತಾ ತಿಳಿಯಬೇಕು ಗುರುದಯದಿಂದ ||ಪ|| ಬೆಕ್ಕನು ಇಲಿ ನುಂಗುವ ತನಕ, ಕಡು ರಕ್ಕಸಿಯ ಕಂಡು ಗಿಣಿ ನುಂಗುವ ತನಕ ಮಕ್ಕಳ ಭಕ್ಷಿಸುವ ತನಕ, ಮದ ಸೊಕ್ಕಿದ ಗಜವನ್ನು ನರಿ ನುಂಗುವ ತನಕ || ಇಷ್ಟದೈವತ ವಶವಾಕೋ ತನಕ, ಮೂರು ಬೆಟ್ಟಗಳನ್ನು ನೊಣ ನುಂಗುವ ತನಕ ಶಿಷ್ಟರೊಡನೆ ಸೇರುವ ತನಕ, ಗುಬ್ಬಿ ಕೆಟ್ಟ ರಾಜಹಂಸನ ನುಂಗುವ ತನಕ || ಒಳಹೊರಗೊಂದಾಗುವ ತನಕ, ಸಾಲ ಕಡೆ ಎಂಬುವ ಭಾವ ಬಯಲಾಗುವ ತನಕ ಬೆಳಕಿನೊಳಗೆ ಕಾಣುವ ತನಕ, ನಮ್ಮ ಪುರಂದರವಿಠಲನ ದಯವಾಗುವ ತನಕ ||