Skip to main content

ಸಾಧು ಜನರ ಸಂಗವ ಮಾಡಿ

(ರಾಗ ಕಾಂಭೋಜ ಛಾಪುತಾಳ)

ಸಾಧು ಜನರ ಸಂಗವ ಮಾಡಿ
ಒಂದಾಧಾರವಾದ ಕಲಿತೆ ||ಪ||
ಸಾಧು ಜನರ ಸಂಗ ಬಿಟ್ಟು
ಅಜ್ಞಾನದಪತ್ತಿಗೆ ಕಲೆತೆ ||ಅ||

ಆಸೆಯೆಂಬೋ ಮಾವಗೆ ನಾನು
ಗ್ರಾಸ ಹಾಕದೆ ಕೊಂದೆನಪ್ಪ
ಮೋಸದ ಆರು ಮೈದುನರ
ದೇಶಾಂತರದಿ ಓಡಿಸಿದೆನು ||

ಚಿತ್ತವೆಂಬೋ ಅತ್ತಿಗೆಯ
ಎತ್ತೋ ಏನೋ ಓಡಿಸಿದೆ , ದು-
ಶ್ಚಿತ್ತವೆಂಬೊ ಅತ್ತೆಯ ಕಣ್ಣು
ಮತ್ತೆ ನಾನೇ ಕಳೆದೆನಪ್ಪ ||

ಹರಿದ್ವೇಷವೆಂಬೊ ಕೂಸಿನ
ಉರುಳು ಹಾಕಿ ಕೊಂದೆನಪ್ಪ
ಪುರಂದರವಿಠಲನೆಂಬೊ
ಸರಸಗಂಡನ ಕೂಡಿದೆನಪ್ಪ ||

ದಾಸ ಸಾಹಿತ್ಯ ಪ್ರಕಾರ: 
ಬರೆದವರು: