Skip to main content

ವಂದಿಸಿದವರೆ ಧನ್ಯರು

(ರಾಗ ರೇಗುಪ್ತಿ ಅಟತಾಳ )

ವಂದಿಸಿದವರೆ ಧನ್ಯರು ||ಪ||
ನಮ್ಮ ಇಂದಿರಾಪತಿಗಡ್ಡ ಬೀಳುತಲೊಮ್ಮೆ ||ಅ||

ಒಂದೊಂದು ಸ್ತೋತ್ರದಿ ಒಂದೊಂದು ಮಂತ್ರದಿ
ಒಂದೊಂದು ನಾಮವ ನೆನೆಯುತ್ತ
ಮಂದರೋದ್ಧರನ ನೀ ಕುಂದದೆ ಪೂಜಿಸಿ
ವಂದಿಸುವ ಆನಂದದಿಂದ ||

ಬಿಟ್ಟು ಲಜ್ಜೆಯ ದೃಷ್ಟಿಸಿ ನೋಡುತ
ವಿಟ್ಠಲ ವಿಟ್ಠಲ ಎನ್ನುತ ಮನ-
ಮುಟ್ಟಿ ಮಾಡುವ ಭಕ್ತಿಸ್ತುತಿಯಿಂದ
ಅಷ್ಟಾಂಗದಲಿ ವಂದನೆಯ ಮಾಡುತ ||

ಸಿರಿಲಕ್ಷ್ಮೀಪತಿ ಶರಣಾಗತರನ್ನು
ಕರುಣಿಸೆಂದು ಕರಮುಗಿದು
ಹರುಷಪುಳಕದಿಂದ ಮರೆತು ದೇಹವ
ಪುರಂದರವಿಠಲರಾಯನ ದೇಹಕ್ಕೆ ||

ದಾಸ ಸಾಹಿತ್ಯ ಪ್ರಕಾರ: 
ಬರೆದವರು: