ಲಗ್ಗೆಯೋ ವೈಕುಂಥ ಲಗ್ಗೆಯೋ

ಲಗ್ಗೆಯೋ ವೈಕುಂಥ ಲಗ್ಗೆಯೋ

(ರಾಗ ಕಲ್ಯಾಣಿ ಅಟತಾಳ) ಲಗ್ಗೆಯೋ ವೈಕುಂಥ ಲಗ್ಗೆಯೋ ||ಪ || ಒಗ್ಗಿಲಿ ಶ್ರೀಹರಿಯನಾಡೊ ಸುಜನರ್ಗೆ ||ಅ || ಸಂಸಾರವೆಂಬೋದು ಸದರವಲ್ಲವೆಂದು ಸಂಶಯವೆಂಬೋದು ಇನಿತಿಲ್ಲದೆ ಹಂಸನ ತನ್ನ ಮನೆಯೊಳು ನೇಮಿಸಿ ಕಂಸಾರಿಯೆಡೆಯೊಳು ಕಡುಸ್ನೇಹ ಮಾಳ್ವಗೆ || ಮಾಯಾಪಾಶವ ಕಳೆದು ಮದಮತ್ಸರವಳಿದು ಕಾಯವು ಸ್ಥಿರವಲ್ಲವೆಂದು ತಿಳಿದು ನ್ಯಾಯ ಮೀರದೆ ಅನ್ಯಾಯಕ್ಕೆ ಸೇರದೆ ಕಾಯಜಪಿತನೊಳು ಕಡುಸ್ನೇಹ ಮಾಳ್ವಗೆ || ಭ್ರೂ ಮಧ್ಯದೆಡೆಯೊಳು ನಾಸಿಕಾಗ್ರದೊಳು ನೇಮದಿಂದ ದೃಷ್ಟಿಯ ನಿಲ್ಲಿಸಿ ಪ್ರೇಮದಿ ಪುರಂದರವಿಠಲನ ಭಜಿಸುತ ಭೂಮಿಯೊಳಿಹ ಬುದ್ಧಿವಂತ ಮನುಜರಿಗೆ ||
ದಾಸ ಸಾಹಿತ್ಯ ಪ್ರಕಾರ
ಬರೆದವರು