ಮುಟ್ಟಬೇಡವೋ ಎನ್ನನು ಕೃಷ್ಣಯ್ಯ

(ರಾಗ ಝಂಜೂಟಿ. ಛಾಪು ತಾಳ ) ಮುಟ್ಟಬೇಡವೋ ಎನ್ನನು ಕೃಷ್ಣಯ್ಯ ನೀ ||ಪ|| ದುಡುಕು ಮಾಡಲು ಬೇಡವೋ ದೂರ ನಿಲ್ಲೋ ||ಅ|| ದೊರೆತನದ ಬಾಳು ಮತ್ತು ಕೇಳಯ್ಯ ಕೃಷ್ಣ ಹಿರಿತನದ ಪೆರ್ಮೆಯುಳ್ಳ ದೊರೆಮಗನಾದರೇನು ಸಲ್ಲದೊ ಈ ಕಾರ್ಯ ಸೆರಾ ಬಿಡಲೊ ರಂಗ ಚರಣಕ್ಕೆ ಎರಗುವೆ || ಮೊಸರು ಹೆಡಿಗೆ ಶಿರದಲಿ ದೇವಕಾರ್ಯ ಮೀಸಲು ಪಾಲ್ಬೆಣ್ಣೆಯೊ ಕುಸುಮನಾಭನೆ ನಿನ್ನ ಮನೆತನಕೆ ಆಗದೊ ವಸುಧೆಯೊಳು ನಿನ್ನ ದಂಡಿಪರಿಲ್ಲವೆ || ಪೆತ್ತವರಿಲ್ಲವೇನೊ ನಿನಗೆ ಮತ್ತು ಹಿತವನೊರೆವವರಿಲ್ಲವೆ ಮುತ್ತಿನ ಗಿಡ ತೋರ್ದ ಎನ್ನ ಮುದ್ದು ಕೃಷ್ಣಯ್ಯ ಹೊತ್ತಾಯಿತೊ ಬಿಡೊ ತಂದೆ ಪುರಂದರ ವಿಠಲ ||