ಬ್ರಹ್ಮಾಂಡದೊಳಗೆ ಅರಸಿ ನೋಡಲು ನಮ್ಮೂರೇ ವಾಸಿ

( ರಾಗ ಪೂರ್ವಿಕಲ್ಯಾಣಿ. ಛಾಪು ತಾಳ) ಬ್ರಹ್ಮಾಂಡದೊಳಗೆ ಅರಸಿ ನೋಡಲು, ನಮ್ಮೂರೇ ವಾಸಿ||ಪ|| ರಮ್ಮೆಯರಸನು ಸರ್ವದಾ ವಾಸಿಪ, ಸುಮ್ಮಾನದಿ ತಾನು ||ಅ| ಜನನ ಮರಣವಿಲ್ಲ, ಅಲ್ಲಿ, ಉಣುವ ದುಃಖವಿಲ್ಲ ಅನುಜ ತನುಜರು ಅಲ್ಲಿಲ್ಲ, ಅನುಮಾನದ ಸೊಲ್ಲೇ ಇಲ್ಲ || ನಿದ್ರೆಯು ಅಲ್ಲಿಲ್ಲ, ರೋಗೋ-ಪದ್ರಗಳಿಲ್ಲ ಕ್ಷುದ್ರಜನಂಗಳು ಅಲ್ಲಿಲ್ಲ, ಸ-ಮುದ್ರಶಯನ ಬಲ್ಲ ಎಲ್ಲ || ಸಾಧು ಜನರ ಕೂಡೆ, ಮೋಕ್ಷಕೆ, ಸಾಧನೆಗಳ ಮಾಡೆ ಮಾಧವ ಪುರಂದರವಿಟ್ಠಲರಾಯನು, ಆದರಿಸುವನೆಲ್ಲ ಬಲ್ಲೆ ||