ನೋಡಿರಯ್ಯ ನೀವು ನೋಡಿರಯ್ಯ

( ರಾಗ ನಾದನಾಮಕ್ರಿಯೆ ಆದಿತಾಳ) ನೋಡಿರಯ್ಯ ನೀವು ನೋಡಿರಯ್ಯ ||ಪ|| ನೋಡಿರಯ್ಯ ಹರಿದಾಸರ ಮಾಯವ , ಜೋಡಾಗಿಪ್ಪ ಎರಡು ಪಕ್ಷಿ ಗೂಡನಗಲಿ ಗೂಡ ತೊರೆದು ಆಡುತ ಬಂದು ನುಂಗಿ ನೋಡುವ ಸೊಗಸು ||ಅ|| ಮನೆಯ ಒಳಗೆ ಒಂದು ತಗಣೆ ಮಾಳಿಗೆ ನುಂಗಿತು , ಮಂಚವ ನುಂಗಿತು ಮಲಗಿದ್ದ ಸತಿಪತಿಯ ನುಂಗಿತು , ಮನೆಗೆ ಬಂದ ಬಳಗವ ನುಂಗಿತು ಬಿಡದೆ ನುಂಗಿತು ಮನೆಮಕ್ಕಳನು ಅದು ಸಾಲದೆಂದು ತಗಣೆಯ ಮರಿಯು , ಆಡುತ ಬಂದು ನುಂಗಿ ನೋಡುವ ಸೊಗಸ || ಹುತ್ತದೊಳಗೆ ಒಂದು ಸರ್ಪ , ಎಂಟು ಗಜಗಳ ಬಿಡದೆ ನುಂಗಿತು ಎಂಟು ನೆಂಟರ ನುಂಗಿತು , ಮತ್ತೆ ರವಿಚಂದ್ರರ ನುಂಗಿತು ಅಂಥಾ ಸರ್ಪನ ಕಪ್ಪೆಯು ನುಂಗಿತು ಅಂಥಾದೊಂದು ಕಪ್ಪೆಯ ಮರಿಯಾಡುತ ಬಂದು , ನುಂಗಿ ನೋಡುವ ಸೊಗಸ || ಮೂರು ನುಂಗಿತು, ಮೂರಾರನೆ ನುಂಗಿತು ಮೂರು ಮೂರ್ತಿಗಳ ಬಿಡದೆ ನುಂಗಿತು , ಸಾಗರಸಪ್ತದ್ವೀಪವ ನುಂಗಿತು ವರಗುರು ಪಂಚಾಕ್ಷರಗಳ ನುಂಗಿತು ಶರಣಾಗತ ಶ್ರೀಪುರಂದರವಿಠಲ ತಾನೆ ಒಬ್ಬನೆ ಬಲ್ಲ ||