ನಿನ್ನದು ನಿನಗೆ ಬಾರಿಸಿ ಕೊಟ್ಟೇನು

(ರಾಗ ಸೌರಾಷ್ಟ್ರ ಅಟತಾಳ ) ನಿನ್ನದು ನಿನಗೆ ಬಾರಿಸಿ ಕೊಟ್ಟೇನು ತಾರೇ ದಂಡಿಗೆಯ || ||ಪ|| ಗಂಗಾಳ ಕಣ್ಣಂತೆ ಅಂಗಳ ಹೊರಗಂತೆ ಕಂಗಳಿಲ್ಲದವ ಕುರುಡನಂತೆ ತಾರೇ ದಂಡಿಗೆಯ || ಮಂಡಿಗೆಯ ಸವಿಯಂತೆ ಸಂಡಿಗೆ ಖಾರಂತೆ ಗಂಡುಳ್ಳಳು ಮುತ್ತೈದಂತೆ ತಾರೇ ದಂಡಿಗೆಯ || ಅತ್ತಕಾಯಂತೆ ಬತ್ತಿದ ಬಾವಿಯಂತೆ ಅತ್ತೆಯ ಮಗಳು ತನಗಂತೆ ತಾರೇ ದಂಡಿಗೆಯ || ತಗ್ಗಾದ ಹುರಿಯಂತೆ ಮಗ್ಗಾದ ಗುಣಿಯಂತೆ ಬಗ್ಗಿದರೆರಡು ಹೊರಗಂತೆ ತಾರೇ ದಂಡಿಗೆಯ || ಹಳ್ಳದ ಹರಿಯಂತೆ ಗುಳ್ಳದ ನೀರಂತೆ ಪುರಂದರ ವಿಠಲ ಹೇಳಿದನಂತೆ ತಾರೇ ದಂಡಿಗೆಯ ||