ನಿನಗಾರು ಸರಿಯಿಲ್ಲ , ಎನಗನ್ಯ ಗತಿಯಿಲ್ಲ

(ರಾಗ ಕೇದಾರಗೌಳ ತ್ರಿಪುಟತಾಳ) ನಿನಗಾರು ಸರಿಯಿಲ್ಲ , ಎನಗನ್ಯ ಗತಿಯಿಲ್ಲ ನಿನಗೂ ಎನಗೂ ನ್ಯಾಯ ಹೇಳುವರಿಲ್ಲೋ || ಒಂದೇ ಗೂಡಿನಲ್ಲಿದ್ದು ಒಂದು ಕ್ಷಣವಗಲದೆ ಎಂದೆಂದಿಗೂ ನಿನ್ನ ಪೊಂದಿರುವೆ ಬಂಧ ವಿಷಯಗಳಿಗೆನ್ನನೊಪ್ಪಿಸುವುದು ಇಂದು ನಿನಗೆ ಇದು ಉಚಿತವಲ್ಲವೊ ದೇವ || ಪರಸತಿಗಳುಕಲು ಪರಮಪಾಪಿಷ್ಠನೆಂದು ಪರಿಪರಿ ನರಕಕ್ಕೆ ಸೇರಿಸುವೆ ಪರಸತಿಯರೊಲುಮೆ ನಿನಗೆ ಒಪ್ಪಿತೊ ದೇವ ದೊರೆತನಕಂಜಿ ನಾ ಶರಣೆಂಬೆನಲ್ಲದೆ | ನಿನ್ನ ಧ್ಯಾನವನು ನಾ ನಿನ್ನ ಪ್ರೇರಣೆಯಿಂದ ಅನಂತಕರ್ಮವನು ನಾ ಮಾಡಿದೆ ಇನ್ನಾದರು ಎನ್ನ ದಯದಿಂದ ನೋಡಯ್ಯ ಪನ್ನಗಶಯನ ಪುರಂದರವಿಠಲ ಕೃಷ್ಣ ||