ದಾರಿಯೇನಿದಕೆ ಮುರಾರಿ

( ರಾಗ ಕಾಮವರ್ಧಿನಿ/ಪಂತುವರಾಳಿ. ಅಟ ತಾಳ) ದಾರಿಯೇನಿದಕೆ ಮುರಾರಿ ನೀ ಕೈಯ ಪಿಡಿಯದಿರೆ ||ಪ|| ಕಷ್ಟ ಕರ್ಮಂಗಳ ಎಷ್ಟಾದರು ಮಾಳ್ಪೆ, ನಿಷ್ಠೂರ್‍ಅ ನುಡಿಗೆ ಗುರು ಹಿರಿಯರ ದುಷ್ಟರ ಸಂಗವ ಬಹಳ ಮಾಡಿದರಿಂದ, ಶ್ರೇಷ್ಠರ ಸೇವೆಯೆಂದರೆ ಆಗದೆನಗೆ || ಪರರ ದೂಷಣೆ ಪರರ ಪಾಪಂಗಳನೆಲ್ಲ, ಪರಿಪರಿಯಲಿ ಮಾಡಿಕೊಂಬೆ ನಾನು ಹರಿ ನಾಮಾಮೃತವ ಹೇಳುವುದ ಕೇಳದೆ, ಹರಟೆಯಿಂದ ಹೊತ್ತು ಕಳೆದೆ ನಾ ಹರಿಯೆ || ಪಾತಕ ಕರ್ಮಂಗಳ ಮಾಡಿದಜಮಿಳಗೆ, ಪ್ರೀತಿಯಿಂದಲಿ ಮುಕ್ತಿ ಕೊಡಲಿಲ್ಲವೆ ನೂತನವೇಕಿನ್ನು ಸೂರ್ಯಮಂಡಲವರ್ತಿ ರೀತಿಯಾದನು ಸಿರಿ ಪುರಂದರವಿಠಲ ||