Skip to main content

ಗುಣಾತೀತ ಸದ್ಗುರು ಗಣನಾಥ

( ರಾಗ ಜೋಗಿಯಾ ತಾಳ ದೀಪಚಂದಿ)

ಗುಣಾತೀತ ಸದ್ಗುರು ಗಣನಾಥ
ಘನಸುಖದಾಯಕ ಸದೋದಿತ ||ಪ||

ಅನುದಿನ ಮಾಡುವೆ ಮನೋಹರ
ಅಣುರೇಣುದೊಳು ನೀ ಸಾಕ್ಷಾತ್ಕಾರ
ಮುನಿಜನರಿಗಾಗುವಿ ಸಹಕಾರ
ನೀನಹುದೋ ಭಕ್ತರ ವಿಘ್ನಹರ ||೧||

ನಿಮ್ಮ ಬೋಧಗುಣವೆ ಸರಸ್ವತಿ
ಸಮ್ಯಗ್ ಜ್ಞಾನ ಬೀರುವ ನಿಜಸ್ಥಿತಿ
ಬ್ರಹ್ಮಾದಿಗಳೊಂದಿತ ನಿಜಖ್ಯಾತಿ
ಬ್ರಹ್ಮಾನಂದದೋರುವ ಫಲಶ್ರುತಿ ||೨||

ಬೇಡಿಕೊಂಬೆ ನಿಮಗೆ ಅನುದಿನ
ಕೊಡುವವರೆಗೆ ನೀನೆನಗೆ ನಿಧಾನ
ಮೂಢ ಮಹಿಪತಿ ಒಡೆಯ ನೀ ಪೂರ್ಣ
ಮಾಡುತಿಹೆ ನಿತ್ಯವು ನಾ ನಮನ ||೩||

------- ಮಹೀಪತಿದಾಸರು

ದಾಸ ಸಾಹಿತ್ಯ ಪ್ರಕಾರ: 
ಬರೆದವರು: