Skip to main content

ಗುಡುಗುಡಿಯನು ಸೇದಿ ನೋಡೊ

( ರಾಗ ಪುನ್ನಾಗವರಾಳಿ. ಆದಿ ತಾಳ)

ಗುಡುಗುಡಿಯನು ಸೇದಿ ನೋಡೊ ಸೇದಿ ನೋಡೊ ||ಪ||
ನಿನ್ನ ಒಡಲ ಪಾಪಂಗಳನೆಲ್ಲ ಈಡಾಡೋ ||ಅ||

ಮನವೆಂಬೊ ಸಂಚಿಯ ಬಿಚ್ಚಿ, ನಿನ್ನ
ದಿನದ ಪಾಪಗಳೆಂಬೊ ಭಂಗಿಯ ಕೊಚ್ಚಿ
ತನುವೆಂಬೊ ಚಿಲುಮೆಯೊಳಿಕ್ಕಿ, ಅಚ್ಯು-
ತನ ಧ್ಯಾನವೆಂತೆಂಬೊ ಬೆಂಕಿಯ ಹಚ್ಚಿ ||

ಬುರುಡೆಯೆಂಬೋದು ಈ ಶರೀರ, ನಿನ್ನ
ಗುರುಭಕ್ತಿಯೆಂಬೋದೆ ಕೊಳವಿಯಾಕಾರ
ಸಿರಿನಾರಾಯಣನೆಂಬೊ ನೀರ, ಅದ-
ನರಿತು ತುಂಬಿಕೊಳ್ಳೊ ಎಲ ಮೋಜುಗಾರ ||

ಸತ್ಯದಿಂದಮಲು ಏರುವುದು, ದಾ-
ರಿದ್ರ್ಯ ದೋಷವು ಸುಟ್ಟು ಹೊಗೆಯು ಹಾರುವುದು
ಬುದ್ಧಿಗೆ ಜ್ಞಾನ ತೋರುವುದು, ಗುರು
ಮಧ್ವೇಶ ಪುರಂದರವಿಠಲನ ತೋರುವುದು ||

ದಾಸ ಸಾಹಿತ್ಯ ಪ್ರಕಾರ: 
ಬರೆದವರು: