ಕಾಲ ಕಾಳೆದೆವಲ್ಲ , ಜ್ಞಾನ ಬರಲಿಲ್ಲವಲ್ಲ

( ರಾಗ ಪುನ್ನಾವರಾಳಿ ಛಾಪುತಾಳ ) ಕಾಲ ಕಾಳೆದೆವಲ್ಲ , ಜ್ಞಾನ ಬರಲಿಲ್ಲವಲ್ಲ ||ಪ|| ಕಾಲನವರು ಕರೆಯಬಂದರೆ ಏನು ಹೇಳಲಿ ಸೊಲ್ಲ ||ಅ|| ಬಾಲನಾಗಿ ಜನಿಸಿ , ತಾಯ ಮೊಲೆಗೆ ಭ್ರಮಿಸಿ ಹಾಲು ಬೆಣ್ಣೆ ಉಣಿಸಿ , ಹಸುಗೂಸು ಎಂದೆನಿಸಿ || ಚೆಂಡುಬುಗರಿಯಾಡಿ , ಚೆಲುವ ವಸನ ಬೇಡಿ ಹಿಂಡು ದುಷ್ಟರ ಕೂಡಿ , ಕ್ರೂರಕೃತ್ಯ ಮಾಡಿ || ಪ್ರಾಯದಲಿ ಸಿಕ್ಕಿ , ಮಾಯದಲಿ ಸೊಕ್ಕಿ ಸ್ತ್ರೀಯರೊಡನೆ ಮಿಕ್ಕಿ , ಹೇಯ ಬುದ್ಧಿಲಿ ಸಿಕ್ಕಿ || ಮಕ್ಕಳಾಧೀನದಿ ಸಿಕ್ಕಿದೆ ದೈನ್ಯದಿ ಕಕ್ಕುಲತಿ ಬುದ್ಧಿ ಕೊಕ್ಕದಿಟ್ಟು ಮೋದದಿ || ರಾಮಪೂಜೆಯನ್ನು ಮಾಡಲಿಲ್ಲವು ಇನ್ನು ಸ್ವಾಮಿ ಪುರಂದರವಿಠಲನ್ನ ಪ್ರೇಮಕ್ಕೆ ದೂರನು ||