ಕಣ್ಣಿನಿಂದ ನೋಡೋ ಹರಿಯ

(ರಾಗ ಕಾಪಿ ಛಾಪುತಾಳ) ಕಣ್ಣಿನಿಂದ ನೋಡೋ ಹರಿಯ ||ಪ|| ಒಳಗಣ್ಣಿನೊಳಗಿಂದ ನೋಡೋ ಮೂಜಗದೊಡೆಯನ ||ಅ|| ಆಧಾರ ಮೊದಲಾದ ಆರು ಚಕ್ರ ಶೋಧಿಸಿ ಬಿಡಬೇಕು ಈಷಣ ಮೂರು ಸಾಧಿಸಿ ಸುಷುಮ್ನಾ ಏರು , ಅಲ್ಲಿ ಭೇದಿಸಿ ನೀ ಪರಬ್ರಹ್ಮನ ಸೇರು || ಎವೆ ಹಾಕದೆ ಮೇಲೆ ನೋಡಿ , ಬೇಗ ಪವನನಿಂದಲಿ ವಾಯುಬಂಧನ ಮಾಡಿ ಸವಿದು ನಾದವ ಪಾನಮಾಡಿ , ಅಲ್ಲಿ ನವವಿಧಭಕ್ತಿಲಿ ನಲಿನಲಿದಾಡಿ || ಅಂಡಜದೊಳಾಡುತಾನೆ , ಭಾನು- ಮಂಡಲ ನಾರಾಯಣನೆಂಬೋವನೆ ಕುಂಡಲಿತುದಿಯೊಳಿದ್ದಾನೆ , ಶ್ರೀಪು- ರಂದರವಿಠಲ ಪಾಲಿಸುತಾನೆ ||