Skip to main content

ಕಂಡೆ ಕಂಡೆ ಕಂಡೆ, ನಮ್ಮ ಕಂಗಳ ಧೇನುವ ಕಂಡೆ

(ರಾಗ ಮಲಹರಿ ಏಕತಾಳ)

ಕಂಡೆ ಕಂಡೆ ಕಂಡೆ, ನಮ್ಮ ಕಂಗಳ ಧೇನುವ ಕಂಡೆ
ಮಂಗಳಮೂರುತಿ ಮನ್ನಾರ ಕೃಷ್ಣನ ಕಂಡೆ ಕಂಡೆ ಕಂಡೆ ||ಪ||

ಉಟ್ಟಪೀತಾಂಬರ ತೊಟ್ಟ ವಜ್ರಾಂಗಿಯ
ಪುಟ್ಟಪಾದದ ರನ್ನ ಮನ್ನಾರಕೃಷ್ಣನ ||

ಒರಳನೆಳೆವ ಬೆರಳ ಚೀಪುವನ
ಧರೆಯೊಳು ಮೆರೆಯುವ ಮನ್ನಾರಕೃಷ್ಣನ ||

ಕರದ ಕಂಕಣ ಬೆರಳ ಮುದ್ರಿಕೆ
ತರಳ ಉಡುಪಿಯ ಮನ್ನಾರಕೃಷ್ಣನ ||

ಅಲವಬೋಧರಿಗೆ ಒಲಿದು ಬಂದ ಮಹ-
ಚೆಲುವ ಸ್ಮರನಪಿತ ಮನ್ನಾರಕೃಷ್ಣನ ||

ಶೇಷಶಯನನ ಭಾಸುರರೂಪನ
ಶ್ರೀಶ ಪುರಂದರವಿಠಲರಾಯನ||

ದಾಸ ಸಾಹಿತ್ಯ ಪ್ರಕಾರ: 
ಬರೆದವರು: