ಪುರಂದರದಾಸ

( ರಾಗ ಕಾಪಿ ಏಕತಾಳ) ಹಸಿವೆಯಾಗುತಿದೆ ಅಮ್ಮ ಕೇಳೆ ಹಸನಾದ ಅವಲಕ್ಕಿ ಬೆಲ್ಲ ಕಲಸಿ ಕೊಡೆ ||ಪ|| ಬಿಸಿ ಬಿಸಿ ಅನ್ನ ಕೈ ಸುಡುತಿದೆ ಬದಿಯಲ್ಲಿ ಕೂಡೆ ||ಅ|| ಖಾರ ಸಾರು ಮಾಡಬೇಡ ಉಣ್ಣಬಾರೆನೆ, ಎನಗೆ ಸೀಸಾರು ಮಾಡಿದರೆ ಬೇಗನುಂಬುವೆ || ತೋಡ ತುಪ್ಪ ಹಾಕಿದರೆ ನೆಲಕೆ ಒತ್ತುವೆ, ಎನಗೆ

( ರಾಗ ಬಿಲಹರಿ ತ್ರಿಪುಟ ತಾಳ) ಹರಿಯೆಂದು ಮನದಲ್ಲಿ ಮರೆದೊಮ್ಮೆ ನೆನೆದರೆ ದುರಿತ ಪರ್ವತಗಳ ಖಂಡಿಪುದು ವಜ್ರದಂತೆ ||ಪ|| ಮೇರುಸುವರ್ಣ ದಾನವ ಮಾಡಲು ನಿತ್ಯ ನೂರು ಕನ್ಯಾದಾನವ ಮಾಡಲು ಧಾರಿಣಿಯೆಲ್ಲವ ಧಾರೆಯನೆರೆಯಲು ನಾರಾಯಣ ಸ್ಮರಣೆಗೆ ಸರಿಯಹುದೆ ||

( ರಾಗ ಶಂಕರಾಭರಣ ಅಟತಾಳ) ಹರಿಯೇ ಪರದೈವ ||ಪ|| ಹರವಿರಿಂಚಾದಿಗಳು ಅವನ ಸೇವಕರಯ್ಯ ||ಅ|| ಒಬ್ಬನು ನಮ್ಮ ಹರಿ ಒಬ್ಬೊಬ್ಬರಲ್ಲಿರುವ ಒಬ್ಬರ ವಶವಲ್ಲ ಸರ್ವ ಸ್ವತಂತ್ರ ಒಬ್ಬರ ನುಡಿಗಳಿಗೆ ಉಬ್ಬಿ ನಡೆದಾಡುವ ಒಬ್ಬೊಬ್ಬರಿಗೆ ಬಲು ದೂರನಾಗುವನು ||

( ರಾಗ ಮೋಹನ ಅಟತಾಳ) ಹರಿಯೇ ಕುಣಿಯೆಂದು ಕುಣಿಸಿದರಯ್ಯ ಹರಿಯೇ ಕುಣಿಯೆನುತ ||ಪ|| ನಡೆಯಡಿಯಿಲ್ಲದೆ ನಡೆವನ ಕುಡಿವನ ಪಡತಿಂಬನ ಒಡಹುಟ್ಟಿದನ ಒಡೆಯನ ಕಂದನ ವೈರಿಯ ಭಂಡಿಯ ಹೊಡೆದ ಮಹಾತ್ಮನ ಕುಣಿಸಿದರಯ್ಯ || ಒಣಗಿದ ಮರದಲಿ ಇಲ್ಲದ ಬಳ್ಳಿ ಬಣತಿಗೆ ಹುಟ್ಟಿದವನ ತಳ್ಳಿ

(ರಾಗ ಆನಂದಭೈರವಿ ಅಟತಾಳ ) ಮೂಗು ಸಣ್ಣದು ಮೂಗುತಿ ದೊಡ್ಡದು , ಭಾರ ಯಾರ್‍ಹೊರಬೇಕು ಇಂಥಾ ಆಡಿದ ಮಾತುಗಳಾಡಿದವಳ ಮೋರೆ ಹೇಗೆ ನೋಡಬೇಕು ||೧|| ಮೀರಿ ಹೋದ ಮಾತಿಗೆ ಎಲ್ಲ(ಎಳ್ಳು?) ನೀರೆ ಬಿಡಬೇಕು ಕೂಡಿದ್ದ ಗೆಳೆಯರು ಆಡಿಕೊಂಡ ಮೇಲೆ ಕೇರಿಯೆ ಬಿಡ ಬೇಕು ||೨||

(ರಾಗ ಫರಜು ಆದಿ ತಾಳ) ಮುಳ್ಳು ಕೊನೆಯಲಿ ಮೂರು ಕೆರೆಯ ಕಟ್ಟಿ ಎರಡು ತುಂಬದು ಒಂದು ತುಂಬಲಿಲ್ಲ ||೧| ತುಂಬಲಿಲ್ಲದ ಕೆರೆಗೆ ಬಂದರು ಮೂವರೊಡ್ಡರು ಇಬ್ಬರು ಕುಂಟರು ಒಬ್ಬಗೆ ಕಾಲೆ ಇಲ್ಲ ||೨|| ಕಾಲಿಲ್ಲದ ಒಡ್ಡರಿಗೆ ಕೊಟ್ಟರು ಮೂರು ಎಮ್ಮೆಗಳ

(ರಾಗ ಸುರುಟಿ ಆದಿ ತಾಳ ) ಮರೆಯದಿರು ಹರಿಯ, ಮರೆವರೆ ಮೂರು ಲೋಕದ ದೊರೆಯ || ಮದಗಜ ಹರಿಯೆಂದು ಒದರಲು , ಒದಗಿದ ಕ್ಷಣದಿ ಬಂದು ಮುದದಿ ನಕ್ರನ ಕೊಂದು ಸಲಹಿದ , ಸದ್ಭಕ್ತರ ಬಂಧು ಮೃದುಲ ಪ್ರಹ್ಲಾದನ ಬೆದರಿಸಿದಸುರನ ಉದರವ ಬಗಿದಂಥ ಅದ್ಭುತ ಮಹಿಮನ ||

(ರಾಗ ಗಳಿಪಂತುವರಾಳಿ ಟ್ರಿಪುಟ ತಾಳ ) ಮರುದಂಘ್ರಿಕಿಸಲಯ ಧ್ಯಾನ, ನಾ ನಿರತದಿ ಮಾಡಿ ಅರ್ಚಿಸುವೆ ಸುಜ್ಞಾನ ||ಪ || ಹರಪುರಂದರಸ್ಮರಮುಖ್ಯಾಮರ ನಿ- ಕರಯಿಚ್ಛಿತ ದಾಸ ಪಟುತರ ಭರದಿ ಭಜಿಸುವ ಸುಜನವರಕರ ಧರಣಿಯೊಳಗವತರಿಸಿ ಮೆರೆದನೆ ||ಅ || ರಘುಪತಿ ಚರಣದಿ ವಿನಯ, ಬಹು

(ರಾಗ ಯಮುನಾಕಲ್ಯಾಣಿ ಆದಿ ತಾಳ ) ಮಾನಿಸರೊಳು ಮಾನಿಸಾ, ಮಾನಸವಿಠಲ || ಭೀಮರಥಿಯಲೊಬ್ಬ ದಾಸ ಮುಳುಗಿ ಪೋಗೆ ಪೂಮಾಲೆ ಅಂಬರ ತೋಯದೆ ತೆಗೆದು ತಂದ || ಮಾನಸಕನ್ಯಾ ಮದುವೆಗೆ ಒಬ್ಬಳು ಆ ನಾಲಿಗೆ ಸುಳ್ಳು ಪಾಲಿಗೆ ನಡೆಸಿದ || ಆ ಹೆಣ್ಣು ನೆರೆತಿಂದ ನೋಡ ಬಂದಣ್ಣನ

( ರಾಗ ಶಂಕರಾಭರಣ ಅಟತಾಳ) ಹೊಸ ಪರಿಯೇ ರಂಗ, ಹೊಸ ಪರಿಯೇ ಕೃಷ್ಣ ಶಶಿಧರವಂದ್ಯನೆ, ಕುಸುಮಜ ಜನಕನೆ || ತಮ್ಮಗೆ ನೀ ಮತ್ತೆ ತಮ್ಮನಾದೆ ರಂಗ, ತಮ್ಮನ ಮಗಳ ಮದುವ್ಯಾದೆ ಬ್ರಹ್ಮಗೆ ನೀ ಪರಬ್ರಹ್ಮನಾದೆ ರಂಗ, ನಿಮ್ಮಗಗೆ ಮೈದುನನಾದೆ ||