ಸೇವಕನೆಲೊ ನಾನು

ಸೇವಕನೆಲೊ ನಾನು ನಿನ್ನಯ ಪಾದ ಸೇವೆ ನೀಡೆಲೊ ನೀನು ||ಪಲ್ಲವಿ|| ಸೇವಕನೆಲೊ ನಾನು ಸೇವೆ ನೀಡೆಲೊ ನೀನು ಕಾವದೇನೆಲೊ ಶ್ರೀವಧೂವರ ರಾವಣಾಂತಕ ರಕ್ಷಿಸೆನ್ನನು ಗೋವರ್ಧನಧರ ದೇವ ಗೋವುಗಳ ಕಾವ ಶ್ರೀ ಮಹಾನುಭಾವ ವರಗಳನೀವ ದೇವ ಶ್ರೀವಲ್ಲಭ ದಯಮಾಡೆನ್ನನು ಈ ವೇಳೆಗೆ ಇಂದಿರಾರಮಣ ||ಅನುಪಲ್ಲವಿ|| ರಾಮ ದಶರಥ ನಂದನ ರಘುಕುಲಾಂಬುಧಿ ಸೋಮಸುಂದರವದನ ವಾಮನ ಪರಿಪೂರ್ಣ ಕಾಮ ಕೌಸಲ್ಯರಾಮ ಸ್ವಾಮಿ ಶ್ರೀರಂಗಧಾಮ ದೈತ್ಯವಿರಾಮ ಶ್ರೀಮದನಂತ ನಾಮ ಭೀಮ ಮುನಿಜನಸ್ತೋಮ ರಮ್ಯಗುಣಧಾಮ ರಣರಂಗ ಪ್ರೇಮ ಕೋಮಲಶ್ಯಾಮ ನೇಮ ಸಾಮಜವರದ ನೀನನುದಿನ ಕಾಮಿತ ಫಲ ಕರುಣಿಸಿ ಕಾಯೋ ||೧|| ಶಂಕರ ಸುರಸೇವಿತ ಶೇಷ ಗರುಡಾಲಂಕಾರಮಣಿ ಶೋಭಿತ ಪಂಕಜನಯನ ಮೀನಾಂಕಜನಕ ಪಾದ ಪಂಕಜಾಸನ ವಿನುತ ತಿರುಪತಿ ವೇಂಕಟ ಬಿರುದಾಂಕ ಜಯ ಜಯ ಶಂಖ ಚಕ್ರ ಗಧೆ ಪಂಕಜಧರ ಅಕಳಂಕ ಸುಚರಿತ ತಾಟಂಕಗೊಲಿದ ನಿಶ್ಕಳಂಕ ಲಂಕಾಧಿಪಲಾಲಿಪ ರಘುಪತಿ ಕಿಂಕರರಿಗೆ ಕಿಂಕರ ನಾನೆಲೊ||೨|| ಮಂದರೋದ್ಧಾರ ಮಾಧವ ಮಧುಸೂದನ ಆನಂದ ಮಂಗಳ ವಿಗ್ರಹ ಬಂದು ಮಾಧವ ಗೋವಿಂದ ಗೋಕುಲಾನಂದ ವಂದಿತಾಮರ ಬೃಂದ ವೇದವ ತಂದ ತುರಗವನೇರಿ ಬಂದ ಬೃಂದಾವನದೊಳಗಿಂದ ಯಶೋಧೆಯ ಕಂದ ಹರಿಗೋವಿಂದ ಶೇಷಗಿರಿಯಲ್ಲಿ ನಿಂದ ಮಂದಾಕಿನಿ ಪಡೆದೆಲೊ ಧೃವಗೊಲಿದಂದದಿ ಎನಗೊಲಿ ಹಯವದನ||೩|| ------------------------------------------------------------ ಸೂಚನೆ: ಚರಣದ (೧,೨) (೩) (೪,೫) (೬) ನೆಯ ಸಾಲುಗಳನ್ನು ಬೇರೆ ಬೇರೆ ಕಾಲಗಳಲ್ಲಿ ಹಾಡುವ ಪರಿಪಾಠವಿದೆ.