Skip to main content

ಅಳಬ್ಯಾಡೆಲವೋ ರಂಗಮ್ಮ ನಿಮ್ಮ

ಅಳಬ್ಯಾಡೆಲವೋ ರಂಗಮ್ಮ ನಿಮ್ಮ

ಇಳಿಯಾರ ನೋಡುತಿದೆ ಗುಮ್ಮ||ಪ||



ಒದರಿದರೆ ಕೇಳೆಲವೋ ತಮ್ಮಾ, ಅದು

ಅದರುತಿದೆ  ಬೊಮ್ಮಾಂಡ ತಮ್ಮ

ಬೆದರಿ ದಿವಿಜರು ತಮ್ಮತಮ್ಮ , ನಿಜ

ಸದನ ಬಿಡುತಿಹರು ನೋಡಮ್ಮ ||೧||



ಬೆರಳುಗುರು ಗಾಯಗಳಿಂದ ಆ

ದುರುಳರನ್ನ ಜಠರ ತಳದಿಂದ

ಕರುಳು ಮಾಲಿಕೆ ಕಿತ್ತಿ ತಂದ , ತನ್ನ

ಕೊರಳಲಿ ಹಾಕಿಹ ಚಂದ  ||೨||



ಏಸು ದೈತ್ಯರಾಸಿಗಳನು

ತಾನು ಮೋಸಗೊಳಿಸಿ ಕೊಲ್ಲುವನು

ದಾಸನೆಂದರೆ ಕಾಮಧೇನು ಸುಮ್ಮಗಿ-ರುವ

ವಾಸುದೇವ ವಿಟ್ಠಲ ನೀನು ||೩||

 

-- ವ್ಯಾಸತತ್ವಜ್ಞರು






ದಾಸ ಸಾಹಿತ್ಯ ಪ್ರಕಾರ: 
ಬರೆದವರು: