ಏನೆಂಬೆನೊಬ್ಬ ಯತಿವರ

( ರಾಗ ಕಾಂಭೋಜಿ/ನೀಲಾಂಬರಿ. ಝಂಪೆ ತಾಳ) ಏನೆಂಬೆನೊಬ್ಬ ಯತಿವರ ದಿವ್ಯ ಮಾನಿನಿಯ ಮನ ಮೆಚ್ಚಿ ಪೋದನೇತಕೆ ಕೇಳೇ ಕೆಳದಿ || ಪ|| ಚೆಲುವನೆಂಬವನಿಗೆ ಬಹುಕಾಲ ಮನದಿ ವೆ- ಗ್ಗಳಿಸಿ ಮಾಡಿದ ಸೇವೆಗಳನು ಮರೆತು ತಳಿತ ಸಂತೋಷದಿಂ ತಾನವಳ ತಕ್ಕೈಸಿ ಜಲಜಾಕ್ಷ ಪೋದನೇತಕೆ ಕೇಳೇ ಕೆಳದಿ || ನಾನತಿ ಚೆಲುವೆಯೆಂದೆನುತಲಿ ಹೆಮ್ಮೆಯಲಿ ಯತಿ ಜಾಣೆಯ ಕರೆದೊಯ್ದು ನಾನರಿಯೆ ಕೇಳೆಂದ ತಾ ನಮ್ಮ ನಿಜಪತಿಯ ಎಳೆದೊಯ್ದು ತರ್ಕಿಸಿ ಏನ ಮಾಡಲು ಬಿಡನು ಏನೆಂಬೆ ಕೆಳದಿ || ಈ ಪರಿಯ ಮೋಹ ಮಂದಿರದೊಳಗವ- ನ ಪೊಗಿಸಿ ಬಿಟ್ಟು ಇರಲಾರಳೆನ್ನ ಪ್ರಾಣೇಶನ ನೆಟ್ಟನೆ ಗಜನಡಿಯ ವ್ಯಾಸಮುನಿ ಪುರಂದರ ವಿಠಲನ ಸೊಬಗು ಪೊಂದಿದಳು ಕೇಳೇ ಕೆಳದಿ ||