ಬುದ್ಧಿವಂತನಲ್ಲ ರಂಗನು

(ರಾಗ ಪಂತುವರಾಳಿ ಅಟತಾಳ ) ಬುದ್ಧಿವಂತನಲ್ಲ ರಂಗನು ||ಪ|| ಮುದ್ದು ಮಾಡಿ ಸಲಹಿದೆ ಗೋಪಿ ||ಅ.ಪ|| ಆವು ಕಾಯ ಹೋಗಿ ಯಮುನಾ ತೀರದಲಿ ಮ- ಡುವ ಧುಮುಕಿ ಕಾಳಿಂಗನ ಪೆಡೆ ತುಳಿದನೆ || ಹೆಡೆಯ ತುಳಿದು ಹಾವಿನ ಮೇಲೆ ಮಲಗಿ ಕಡುನಿದ್ರೆಗೈವನು ಸಾಧು ಬಾಲಕನೆ || ಹದ್ದನೇರಿಕೊಂಡು ಜಗವೆಲ್ಲ ತಿರುಗಿ ಗೆದ್ದು ಬಾಹೋ ಬುದ್ಧಿ ಇವಗೇನೆ || ಮಾರಬಂದ ಹೆಣ್ಣು ಹೆಡಿಗೆ ಸೂರೆಗೊಂಬ ವಾರುಣಾದಿಂದಲಿ ಬೈಸಿಕೊಂಬನೆ || ಗಂಡನುಳ್ಳ ಹೆಂಡರ ಕೊಂಡು ಒಯ್ದು ಅವ ಭಂಡು ಮಾಡುವನೀ ಪುರಂದರವಿಠಲ ||