ವೈಶ್ವದೇವೆಂಬುದು ಇದೇ ನೋಡಿ

(ಕಾಫೀ ರಾಗ ತೀನ್ ತಾಳ ) ವೈಶ್ವದೇವೆಂಬುದು ಇದೇ ನೋಡಿ ಶ್ವಾಸೋಚ್ಛಾಸವೆಂಬುದು ಪುಟಮಾಡಿ ||ಧ್ರುವ|| ಬ್ರಹ್ಮಜ್ಞಾನವೆಂಬುದು ಕುಂಡಮಾಡಿ ಕರ್ಮಕಾಷ್ಠದಗ್ನಿ ಪುಟಗೂಡಿ ನಾಮ ದಿವ್ಯ ನೆನಹು ತಾ ಊದಿಬಿಡಿ ಕಾಮಕ್ರೋಧವೆಂಬ ಧೂಮ್ರ ಹೋಗಾಡಿ ||೧|| ಜ್ಞಾನವೈರಾಗ್ಯೆಂಬುದು ಅಗ್ನಿ , ನಾ- ನೀನೆಂಬುದು ಆಹುತಿ ಪೂರ್ಣ ನೀಡಿ ಭಿನ್ನ ಭೇದ ಭೂತಬಲಿ ಮಾಡಿ ಮನಮೈಲಿಗೆ ತೊಳೆದು ಶುದ್ಧಮಾಡಿ ||೨|| ವೈಶ್ವದೇವ ಮಹಿಪತಿಗಿದೇ ನೋಡಿ ವಿಶ್ವದೊಳಿದೇ ನಿಜ ನಿತ್ಯ ಮಾಡಿ ಹಸನಾದ ಸತ್ಕರ್ಮ ಇದೇ ನೋಡಿ ಲೇಸು ಲೇಸಾಯಿತು ಪುಣ್ಯಗೂಡಿ ||೩||