ಪಿಡಿಯೆನ್ನ ಕೈಯ್ಯ ರಂಗಯ್ಯ

----ರಾಗ ಮಧ್ಯಮಾವತಿ (ಭೂಪ) ಅಟತಾಳ(ದೀಪಚಂದಿ) ಪಿಡಿಯೆನ್ನ ಕೈಯ್ಯ ರಂಗಯ್ಯ ||ಪ|| ಪಿಡಿಯೆನ್ನ ಕೈಯ್ಯ ಪಾಲ್ಗಡಲೊಡೆಯನೆ ಮೋಹ- ಮಡುವಿನೊಳ್ಬಿದ್ದು ಬಾಯ್ಬಿಡುವೆ, ಬೇಗನೆ ಬಂದು ||ಅ.ಪ|| ನೀರಜನಾಭ ನಂಬಿದೆ ನಿನ್ನ ನೀರಪ್ರದಾಭಾ ಕಾರುಣ್ಯನಿಧಿ ಲಕ್ಷ್ಮೀನಾರಸಿಂಹನೆ ಪರಿ- ವಾರ ಸಹಿತ ಈ ಶರೀರದೊಳಡಗಿದ್ದು ಘೋರತರ ಸಂಸಾರ ಪಂಕದಿ ಚಾರಿವರಿದೆನೊ ದೂರನೋಳ್ಪರೆ ಹೇ ರಮಾಪತೆ ಗಾರುಮಾಡದೆ ಚಾರುವಿಮಲ ಕರಾರವಿಂದದಿ ||೧|| ಅನಿಮಿತ್ತ ಬಂಧು ನೀನೇ ಗತಿ ಗುಣಗಣಸಿಂಧು ಅನಘನೆ ಸೇವಿಸುವೆನೊ ವಿಧಿಭವಸಕ್ರಂ- ದನ ಮುಖ್ಯದೇವ ಸನ್ಮುನಿಗಣಾರ್ಚಿತ ಪಾದ ಅನುಜ ತನುಜಾಗ್ರಜ ಸದಾಣುಗ ಜನನಿ ಜನಕ ಪಶು ಕೃಷೀ ಧನ ಘನಸದನ ಸಂಹನನ ಮೊದಲಾ- ದಿನಿತು ಸಾಕುವ ಘನತೆ ನಿನ್ನದು ||೨|| ಶ್ರೀ ಜಗನ್ನಾಥವಿಠಲ ದ್ವಿಜರಾಜವರೂಥ ಓಜ ಕಾಮಿತಕಲ್ಪ ಭೂಜ ಭಾಸ್ಕರಕೋಟಿ ತೇಜ ಮನ್ಮನದಿ ವಿರಾಜಿಸು ಪ್ರತಿದಿನ ಈ ಜಗತ್ರಯ ಭಾಜನನೆ ಬಲು ಸೋಜಿಗವಲಾ ನೈಜನೆ ನಿ- ರ್ವ್ಯಾಜ್ಯದಿಂ ನೀನೆ ಜಯಪ್ರದ ನೈಜ ಜನರಿಗೆ ಹೇ ಜಗತ್ಪತೇ ||೩||