ಹೇಗೆ ಉದ್ಧಾರ ಮಾಡ್ಯಾನು ಶ್ರೀಹರಿ

(ರಾಗ ಆನಂದಭೈರವಿ ಆದಿತಾಳ) ಹೇಗೆ ಉದ್ಧಾರ ಮಾಡ್ಯಾನು ಶ್ರೀಹರಿ ಹೀಗೆ ದಿನಂಗಳೆಂದಳೆದವನು ||ಪ|| ರಾಗದಿಂದಲಿ ಭಾಗವತರಿಗೆ ಬಾಗದೆ ಶಿರ ಹೋಗುವಾತನ ||ಅ.ಪ|| ಅರುಣ ಉದಯಲೆದ್ದು ಹರಿಯ ನೆನೆಯದೆ ಗೊಡ್ಡು ಹರಟೆಗೆ ಹೊತ್ತು ಏರಿಸಿದವನ ಸಿರಿತುಳಸಿಗೆ ನೀರೆರೆದು ನಿರಂತರ ಮೃತ್ತಿಕೆ ಫಣೆಯಲಿ ಧರಿಸದವನ ಮರೆತು ಪ್ರಾತಃಸ್ನಾನ ಮಾಡದೆ ಮನೆಮನೆ ತೆರನಾಗಿ ಬೆಸಗೊಂಡು ತಿಂಬವನ ವರಮಧ್ವಶಾಸ್ತ್ರದಲಿ ನಿಲಿಸದೆ ಬುದ್ಧಿಯ ನಿರತದಿ ಮತಿಹೀನನಾದವನ || ಗುರುಹಿರಿಯರ ಸೇವೆ ಜರೆದು ನಿರಂತರ ಪರನಿಂದೆ ಮಾಡಿ ನಗುತಿಪ್ಪನ ಪರಹೆಣ್ಣು ಪರಹೊನ್ನು ಕರಗತವಾಯ್ತೆಂದು ಪರಲೋಕಭಯ ಬಿಟ್ಟು ತಿರುಗುವನ ತರುಣಿ ಮಕ್ಕಳೆಂದು ವರಭಾಸದಲಿ ಬಂದು ಪರದೈವದಿಂದ ವಂಚನೆ ಕ್ಷುದ್ರಮಾಳ್ಪನ ಉಣಲಿಲ್ಲ ಉಡಲಿಲ್ಲ ಮಾಡಿಲ್ಲ ಹರಿಸೇವೆ ಕೂಡಿಲ್ಲ ಸಾಧುಸಜ್ಜನರೊಡನೆ ಕೊಡಲಿಲ್ಲ ದಾನ , ಪಡಲಿಲ್ಲ ಪುಣ್ಯ, ಕಡುಮೂರ್ಖವಿಷಯಲಲಿತನಾಗಿ ಒಡೆಯ ಪುರಂದರವಿಠಲನ್ನ ಚರಣಕೆ ಅಡಿಗಡಿಗೆರಗದೆ ಕಡೆಗೆದೆ ಕೆಟ್ಟಂತೆಲ್ಲ ||