ಶ್ರೀನಿವಾಸ ಎನ್ನ ಬಿಟ್ಟು ನೀನಗಲದೆ

( ರಾಗ ಶ್ರೀರಂಜನಿ ರೂಪಕತಾಳ) ಶ್ರೀನಿವಾಸ ಎನ್ನ ಬಿಟ್ಟು ನೀನಗಲದೆ || ಮನವೆಂಬೊ ಮಂಟಪ ತನುವೆಂಬೊ ಹಾಸುಮಂಚ ಜ್ಞಾನವೆಂಬೊ ದಿವ್ಯ ದೀಪದ ಬೆಳಕಿಲಿ ಸನಕಾದಿವಂದ್ಯ ನೀ ಬೇಗ ಬಾರೋ || ಪಂಚದೈವರು ಯಾವಾಗಲು ಎನ್ನ ಹೊಂಚು ಹಾಕಿ ನೋಡುತಾರೆ ಕೊಂಚಗಾರರು ಆರು ಮಂದಿ ಅವರ್- ಹಿಂಚುಮುಂಚಿಲ್ಲದೆ ಎಳೆಯುತಾರೆ || ಮುನ್ನ ಮಾಡಿದ ದುಷ್ಕರ್ಮದಿ ಬಳಲಿದೆ ಇನ್ನಾದರು ಎನ್ನ ಕೈ ಪಿಡಿಯೊ ಘನ್ನಮಹಿಮ ಶ್ರೀಪುರಂದರವಿಠಲ ಮನ್ನಿಸಿ ಎನ್ನನು ಕಾಯಬೇಕೋ ||