ಮನುಜ ಶರೀರವಿದೇನು ಸುಖ?

(ರಾಗ ಬೆಹಾಗ್. ಝಂಪೆ ತಾಳ) ಮನುಜ ಶರೀರವಿದೇನು ಸುಖ , ಇದು ನೆನೆದರೆ ಘೋರವಿದೇನು ಸುಖ || ಜನನ ಮರಣ ಮಲದ ಕೂಪದಲಿದ್ದು ಅನುಭವಿಸುವುದಿದೇನು ಸುಖ ತನುವಿದ್ದಾಗಲೆ ಹೃದಯದ ಶೌಚದ ಸ್ತನಗಳಂಬುವುದೇನು ಸುಖ || ದಿನದಿನ ಹಸಿ ತೃಷೆ ಘನ ಘನ ರೋಗದೊ= ಳನುಭವಿಸುವುದು ಅದೇನು ಸುಖ ನೆನೆಯಲನಿತ್ಯ ನಿರ್ಗುಳ್ಳೆಯಂತಿಪ್ಪ ತನು ಮಲಭಾಂಡವಿದೇನು ಸುಖ || ಪರಿಪರಿ ವಿಧದಲಿ ಪಾಪವ ಗಳಿಸುತ್ತ ನರಕಕೆ ಬೀಳುವುದೇನು ಸುಖ ಪುರಂದರ ವಿಠಲನ ಮನದಿ ನೆನೆದು ಸದ್- ಧರ್ಮದೊಳ್ ನಡೆದರೆ ಆಗ ಸುಖ ||