ಗೋಕುಲದೊಳಗಿರಲಾರೆವಮ್ಮ

( ರಾಗ ಆನಂದಭೈರವಿ ಅಟ ತಾಳ) ಗೋಕುಲದೊಳಗಿರಲಾರೆವಮ್ಮ ಗೋಪ್ಯಮ್ಮ ಕೇಳೆ ಸಾಕು ಸಾಕು ನಮಗೇಕೀ ವ್ರಜವು ಆ ಕೃಷ್ಣನ ಕಾಟದಿ ||ಪ || ಹಾಲು ಮೊಸರು ಕದ್ದರೆ ಕದಿಲಿ ಗೋಪ್ಯಮ್ಮ ಕೇಳೆ ಮೇಲಿಟ್ಟ ಬೆಣ್ಣೆ ಮೆದ್ದರೆ ಮೆಲಲಿ ಗೋಪ್ಯಮ್ಮ ಕೇಳೀ- ರೇಳು ಭುವನದೊಳೋಲಾಡುತ್ತಿರಲಿ ಆಲಯವನು ಪೊಕ್ಕು ಬಾಳ ಸಂಭ್ರಮದಿ ಬಾಲೆಯರೆಲ್ಲರ ಬತ್ತಲೆ ಮಾಡಿಸಿ ಶಾಲೆಗಳೆಲ್ಲವ ಮೇಲಕೆ ಹಾರಿಸಿ ಆಲಿಂಗಿಸಿಕೊಂಡು ಬರುತಾನಮ್ಮ || ಮನೆಗೆ ತಾನಾಗಿ ಬಂದರೆ ಬರಲಿ ಬಾಹೋ ವೇಳೆಯಲಿ ಗೆಳೆಯರ ಕೂಡಿಕೊಂಡು ಇರಲಿ ಕರೆತಂದರೆ ತರಲಿ ಅನುಬಂಧನಾಗಿ ಇದ್ದರೆ ಇರಲಿ ಅನುವು ನೋಡಿಕೊಂಡಾ ವೇಳೆಯಲಿ ಉಣಬಿಟ್ಟುಣಿಸಿ ಆಕಳ ಕರುಗಳ ಮನೆಯವರೆಲ್ಲರ ತಾನೇ ಎಬ್ಬಿಸಿ ಮನೆಯಲ್ಲ ಸೂರಾಡಿದನಮ್ಮ || ಬಾರಿ ಬಾರಿಗೆ ಒಲಿದಕಳ್ಳ ಯಶೋದೆ ಕೇಳೇ ಊರ ಹೆಂಗಳರ ಕೂಡಿನ ಗೊಲ್ಲ ಗೋಪ್ಯಮ್ಮ ಕೇಳೇ ಯಾರ ಮುಂದ್ಹೇಳುವುದು ಈ ಸೊಲ್ಲ ವಾರಿಗೆಯ ಸಂಸಾರ ಮಾಡುವನು ನಾರಿಯರೆಲ್ಲರ ನಂಬಿಸಿ ಕೆಡಿಪ ವಿ- ಕಾರ ಮಾಡದ ಹಾಗೆ ನೀ ಕರೆಸಿ ಪುರಂದರವಿಠಲಗೆ ಬುದ್ಧಿಯ ಹೇಳಮ್ಮ ||