ಕೇಳು ಕೋಪಿಸಬೇಡ ಹೇಳಲಿಕಂಜುವೆನು

ಕೇಳು ಕೋಪಿಸಬೇಡ, ಹೇಳಲಿಕಂಜುವೆನು ಬಾಳು ಬಡತನವ ನಾನು || ತಲೆಗೊಯ್ಕ ಹಿರಿಯ ಮಗ , ಇಳೆಗೆ ಪೂಜಿತನಲ್ಲ ಬಲು ಭಂಡ ನಿನ್ನಯ ಕಿರಿಯ ಮಗ, ಲಲನೆಯು ಸೇರಿದಳು , ಬಲು ಲೋಭಿಗಳ ಮನೆಯ ಹೊಲೆ ಕುಲವರಿಯಳು ನಿನ್ನ ಸೊಸೆಯು ರಂಗ || ಮಗಳ ಮಾರ್ಗವು ಡೊಂಕು , ಮೈದುನ ಗುರುದ್ರೋಹಿ ಮಗನ ಮಗನು ಚಾಡಿಕಾರ ಹಗರಣಕೆ ನೀಚರ ಹಣ್ಣು ಮೆದ್ದೆಂಜಲ ಜಗದೊಡೆಯನೆನಿಸಿಕೊಂಡೆ , ನೀನುಂಡೆ || ಲಕ್ಷ್ಮೀಪತಿಯು ಎನಿಸಿ , ಭಿಕ್ಷೆ ಬೇಡಲು ಪೋದೆ ಪಕ್ಷಿಯ ಪೆಗಲೇರಿ ರಾಜನೆನಿಸಿದೆ ಸಾಕ್ಷಾತು ಪುರಂದರವಿಠಲನೆ ನಿನ್ನ ಗುಣ- ಲಕ್ಷಣವ ಪೇಳಲಳವೇ __ ಕಳವೇ || ( ಇಲ್ಲಿ ಈವರೆಗೆ ಕ್ರಮವಾಗಿ ಬ್ರಹ್ಮ , ಕಾಮ , ಲಕ್ಷ್ಮಿ , ಸರಸ್ವತಿ , ಗಂಗೆ , ಚಂದ್ರ , ನಾರದರ ಬಗ್ಗೆ ಹೇಳಿದ್ದಾರೆ)