ಕಾಯೊ ಕರುಣಾಭಯ ಕೃದ್ಭಯನಾಶನ

(ಸೋಹನಿ ರಾಗ ಝಂಪೆತಾಳ ) ಕಾಯೊ ಕರುಣಾಭಯ ಕೃದ್ಭಯನಾಶನ ||ಧ್ರುವ|| ಕಂದ ಪ್ರಹ್ಲಾದಗಾಗಿ ಸಂಧಿಸೊದಗಿ ನಿಂತು ಬಂದು ರಕ್ಷಿಸಿದೆ ಪ್ರಾಣ ಚಂದವಾಗಿ ನೀ ||೧|| ದ್ರೌಪದಿಯ ಅಭಿಮಾನ ಕೃಪೆಯಿಂದ ನೀ ಪೂರ್ಣ ಉಪಾಯದಲಿಗಾಯ್ದ ಅಪಾರಮಹಿಮ ||೨|| ಕರಿಯ ಮೊರೆಯನು ಕೇಳಿ ಸೆರೆಯ ಬಿಡಿಸಿದೆ ಎಂದು ಮೊರೆಯ ಹೊಕ್ಕೆನು ನಿಮಗೆ ಹರಿಹರಿಯೆಂದು ||೩|| ಸ್ಮರಿಸಿದಾಕ್ಷಣ ಬಂದು ಕರುಣದಿಂದನ್ಯರಿಗೆ ಪರಿಪರಿಯಿಂದ್ಹೊರೆದೆ ವರದ ಮುನಿಗಳ ||೪|| ಶರಣು ಹೊಕ್ಕೆನು ನಿಮ್ಮ ತರಳ ಮಹಿಪತಿ ಪ್ರಾಣ ಹೊರೆದು ರಕ್ಷಿಸು ಎನ್ನ ಪರಮಪಾವನ ||೫||