ಕಲ್ಲುಸಕ್ಕರೆ ಕೊಳ್ಳಿರೋ

ರಾಗ - ಕಲ್ಯಾಣಿ ತಾಳ - ಆಟ ಕಲ್ಲುಸಕ್ಕರೆ ಕೊಳ್ಳಿರೊ-ನೀವೆಲ್ಲರು ಕಲ್ಲುಸಕ್ಕರೆ ಕೊಳ್ಳಿರೊ ||ಪ|| ಕಲ್ಲು ಸಕ್ಕರೆ ಸವಿ ಬಲ್ಲವರೆ ಬಲ್ಲರು ಪುಲ್ಲಲೋಚನ ಕೃಷ್ಣನ ದಿವ್ಯನಾಮವೆಂಬ ||೧|| ಎತ್ತು ಹೇರುವುದಲ್ಲ ಹೊತ್ತು ಮಾರುವುದಲ್ಲ ಒತ್ತೊತ್ತಿ ಗೋಣಿಯ ತುಂಬುವುದಲ್ಲ ಎತ್ತ ಹೋದರೂ ಮತ್ತೆ ಸುಂಕವು ಇದಕಿಲ್ಲ ಹತ್ತೆಂಟು ಸಾವಿರಕೆ ಬೆಲೆಯಿಲ್ಲದಂತಹ ||೨|| ನಷ್ಟ ಬೀಳುವುದಿಲ್ಲ ನಾಶವಾಗುವುದಲ್ಲ ಕಟ್ಟಿ ಇಟ್ಟರೆ ಮತ್ತೆ ಕೆಡುವುದಲ್ಲ ಎಷ್ಟು ದಿನವಿಟ್ಟರೂ ಕೆಟ್ಟು ಹೋಗುವುದಲ್ಲ ಪಟ್ಟಣದೊಳಗೊಂದು ಲಾಭವೆನಿಸುವಂಥ ||೨| ಸಂತೆ ಪೇಟೆಗೆ ಹೋಗಿ ಶ್ರಮ ಪಡಿಸುವುದಿಲ್ಲ ಎಂತು ಮಾರಿದರೂ ಅಂತರವಿಲ್ಲ ಸಂತತ ಪುರಂದರ ವಿಠಲನ ನಾಮವ ಎಂತು ನೆನೆಯಲು ಪಾಪ ಪರಿಹಾರವಲ್ಲದೆ ||೩||