ಏನು ಮ್ಯಾ ರಾವಣ

( ರಾಗ ಮುಖಾರಿ. ಆದಿ ತಾಳ) ಏನು ಮ್ಯಾ ರಾವಣ ನೀನು ಮ್ಯಾ ಸೀತೆಯ ತಂದಿದ್ಯಾ ||ಪ|| ನಿನ್ನ ಬಳಿಗೆ ರಾಮ ಎನ್ನ ಕಳುಹಿಕೊಟ್ಟ ಇನ್ನಾದರು ಸೀತೆಯ ಬಿಡುವಿಯೇನು ಮ್ಯಾ ||ಅ|| ಕಾಣದೆ ಹೀಗೆ ಕದ್ದು ತರಬಹುದೆ ನನ್ನಿಂದ ತಪ್ಪೆಂದು ಹೊನ್ನ ಕಾಣಿಕೆಯಿತ್ತು ಬೆನ್ನ ಮರೆಯಾಗಿ ನೀ ಹೋಗಬಾರದೇನು ಮ್ಯಾ || ಶೂರ್ಪಣಖಿಯ ಹುಚ್ಚು ಹುಚ್ಚು ಮಾತು ಕೇಳಿ ಖರದೂಷಣರೇನಾದರು ಹೇಳು ಮ್ಯಾ || ತಾತ ಕೌಸಲ್ಯ ರಘುನಾಥ ಹೇಳುವನಲ್ಲ ಈತನ ಶೌರ್ಯ ಮುಂದೆ ತಿಳಿದೀತು ಮ್ಯಾ || ಮಂಡೋದರಿ ಬಹಳ ಮಕ್ಕಳ ಪಡೆದಿದ್ದಾಳೆ ಕಂಡವರ ಬಾಯಿತುತ್ತು ಮಾಡಬೇಡ ಕಾಣೊ ಮ್ಯಾ || ಅವ ತಾ ಮನುಜನಲ್ಲ ಪುರಂದರವಿಠಲ ಶಿರವ ಹೊಯ್ದು ಒಯ್ಯುವನು ತಿಳಿ ಮ್ಯಾ ||