Skip to main content

ಅಸೂಯೆ ಬಿಡಿಸೆನ್ನ, ಮನಸಿನ

ಅಸೂಯೆ ಬಿಡಿಸೆನ್ನ, ಮನಸಿನ
ಅಸೂಯೆ ಬಿಡಿಸೆನ್ನ ||ಪ||
ಅಸೂಯೆ ಬಿಡಿಸೆನ್ನ, ಹೇಸಿಮನಸಿನ
ಈಶ ನಿನ್ನ ಪಾದ ದಾಸಾನುದಾಸನೆನಿಸೋ ||ಅ||

ಕೊಟ್ಟರು ಅಷ್ಟೆಯೆನಿಸೊ
ಕೊಡದೊದ್ದು ಅಟ್ಟಿದರಷ್ಟೆಯೆನಿಸೋ
ಕೊಟ್ಟು ಕೊಡದವರೆಲ್ಲ ಅಷ್ಟೆನಿಸೆನ್ನಗೆ
ಶಿಷ್ಟಗುಣಿತ್ತು ಪೊರೆ ಸೃಷ್ಟಿ ಮೇಲೆ ಹರಿ ||೧||

ಕಡುಸಿರಿ ಅಷ್ಟೆನಿಸೋ ಎನಗೆ ಬಂದ
ಬಡತನ ಅಷ್ಟೆನಿಸೋ
ಕಡುಸಿರಿ ಬಡತನ ಅಷ್ಟೇಯೆನಿಸಿ ನಿನ್ನ
ಅಡಿದೃಢವಿತ್ತು ಪೊಡವಿ ಮೇಲೆ ಹರಿ ||೨||

ದೂಷಣ ಅಷ್ಟೆಯೆನಿಸೋ ಜಗದೊಳು
ಭೂಷಣ ಅಷ್ಟೆನಿಸೋ
ದೂಷಣ ಭೂಷಣ ಅಷ್ಟೇಯೆನಿಸಿ ನಿನ್ನ
ಧ್ಯಾಸದಿಟ್ಟು ಪೊರೆ ಶ್ರೀಶ ಶ್ರೀರಾಮ ತಂದೆ ||೩||

--- ಬಡೇಸಾಹೇಬರು

ದಾಸ ಸಾಹಿತ್ಯ ಪ್ರಕಾರ: 
ಬರೆದವರು: