Skip to main content

ಇತರೆ

ಪಟ್ಟಿಯಲ್ಲಿಲ್ಲದ ಬೇರೆ ದಾಸರ ರಚನೆಗಳಿಗೆ ಈ ಟ್ಯಾಗ್ ಹಾಕಬಹುದು

ಆರತಿಯನೆತ್ತಿರೆ ಅಚ್ಯುತನಿಗೆ

ಆರತಿಯನೆತ್ತಿರೆ  ಅಚ್ಯುತನಿಗೆ
ಅನಂತನಿಗೆ ಗೋವಿಂದನಿಗೆ ||ಪ||

ಕಾಲಾಂತರ್ಗತ ಕಾಲನಿಯಾಮಕ
ಕಾಲೋತ್ಪಾದಕ ಕಾಲಾತ್ಮನಿಗೆ ||೧||

ನೊಂದು ಕೌಂಡಿನ್ಯರು ಮುಂದೋರದಲಿರೆ
ಬಂದು ಕರವ ಪಿಡಿದಾನಂದವಿತ್ತಗೆ ||೨||

ಸಂತತ ನಡೆಯುವರಂತರ ಬಿಡಿಸುವ-
ನಂತಮಹಿಮ ಜಯವಂತ ಶ್ರೀಕಾಂತಗೆ ||೩||

--------ದಾಸರ ಲಕ್ಷ್ಮೀನಾರಾಯಣರಾಯರು



 

ದಾಸ ಸಾಹಿತ್ಯ ಪ್ರಕಾರ: 
ಬರೆದವರು: 

ಆರತಿ ಮಾಡಿರೆ ನೀರೆಯಲ್ಲೆರು

ಆರತಿ ಮಾಡಿರೆ ನೀರೆಯಲ್ಲೆರು
ಮಾರಮಣನಾದ ಶ್ರೀ ರಂಗರಾಜನಿಗೆ ||ಪ||

ನೀರೊಳು ಮುಳುಗುತ  ಭಾರ ಬೆನ್ನಲಿ ಪೊತ್ತು
ಕೋರೆಯ ತೋರಿದ ನಾರಸಿಂಹನಿಗೆ ||೧||

ಪೋರ ರೂಪನಾದ ಧೀರ ಪರಶುಧರಗೆ  
ಶ್ರೀ ರಘುರಾಮನೆಂಬ ಚೋರ ಶಿಖಾಮಣಿಗೆ ||೨||

ಚಾರು ಬೌದ್ಧನಿಗೆ ವೀರ ರಾಹುತಗೆ
ನೀರಜನಾಭ ಶ್ರೀ ರಂಗೇಶವಿಠಲಗೆ ||೩||

------ಅರಕೆರೆ  ಸಂಜೀವದಾಸರು






 

ದಾಸ ಸಾಹಿತ್ಯ ಪ್ರಕಾರ: 
ಬರೆದವರು: 

ಆರತಿ ಮಾಡೆ ನೀರೆ ಭಾರತಿಗೆ

ಆರತಿ ಮಾಡೆ ನೀರೆ ಭಾರತಿ-
ಗಾರತಿ ಮಾಡೆ ನೀರೆ
ಮಾರುತಿ ಸತಿಯಾದ ದ್ರೌಪದಿದೇವ್ಯೇರಿ -
ಗಾರತಿ ಮಾಡೆ ನೀರೆ ||ಪ||


ಅರಸು ಭೀಮರಾಯಗ್ಹೊಂದಿ ಕುಳಿತ ಕೃಷ್ಣೆ
ಅರಿಷಿಣ ಕುಂಕುಮ  ಹಚ್ಚಿ ಹರುಷದಿ ದ್ರೌಪದಿ ||೧||

ಸುಂದರ ಭೀಮಸೇನ ತಂದ ಸುಗಂಧ ಕುಸುಮ
ಗಂಧ ಪರಿಮಳ ಹಚ್ಚಿ ಮುಡಿಸಿ ಮಲ್ಲಿಗೆ ಕೃಷ್ಣೆ    ||೨||

ವಾಸವಾಗಿ ಬೊಮ್ಮಗಟ್ಟಿಲಿ ಕುಳಿತ ಭೀ-
ಮೇಶಕೃಷ್ಣನ ದಯ ಪಡೆದ ಪಾಂಚಾಲಿ ಸತಿ ||೩||

-------ಹರಪನ ಹಳ್ಳಿ ಭೀಮವ್ವ



 

ದಾಸ ಸಾಹಿತ್ಯ ಪ್ರಕಾರ: 
ಬರೆದವರು: 

ಆರತಿಯನು ಬೆಳಗಿರೆ

ಆರತಿಯನು ಬೆಳಗಿರೆ
ಶ್ರೀದೇವಿಸಹಿತ ವಿಠ್ಠಲಗೆ  ||ಪ||

ಗೆಜ್ಜೆ ನಾದದ ಹೆಜ್ಜೆ ಇಕ್ಕುವ
ಉಡುಪಿ ಬಾಲ ಮುಕುಂದಗೆ
ರಂಗನಾಯಕಿ ರಮಣಗೆ
ಶ್ರೀ ರಂಗನಾಥ ಸ್ವಾಮಿಗೆ ||೧||

ಕಂಬದಿಂದಲಿ ಉದಿಸಿ ಬಂದ
ಕಮಲಪತಿ ನರಸಿಂಹಗೆ
ವಾಮನ ವಟುವಾಗಿ ಬಂದಗೆ
ವೇಂಕಟಾಚಲ ವಾಸಗೆ ||೨||

ರುಕ್ಮಿಣೀಶ ಕೃಷ್ಣಗೆ
ಜಯ ಜಾನಕಿಪತಿ ರಾಮಗೆ
ಜಗವ ಉದರದಿ ಧರಿಸಿಹ
ಜಯರಾಮವಿಠ್ಠಲ ದೇವಗೆ  ||೩||





 

ದಾಸ ಸಾಹಿತ್ಯ ಪ್ರಕಾರ: 
ಬರೆದವರು: 

Pages