ಇತರೆ | ಹರಿದಾಸ ಸಾಹಿತ್ಯ ಸಂಪದ Skip to main content

ಇತರೆ

ಪಟ್ಟಿಯಲ್ಲಿಲ್ಲದ ಬೇರೆ ದಾಸರ ರಚನೆಗಳಿಗೆ ಈ ಟ್ಯಾಗ್ ಹಾಕಬಹುದು

ಆಟವಾಡಬೇಕು ಒಳ್ಳೇ ಊಟ ಮಾಡಬೇಕು

ಆಟವಾಡಬೇಕು ಒಳ್ಳೇ ಊಟ ಮಾಡಬೇಕು ||ಪ||
ಆಟ ಬಲ್ಲ ಮಾನವನಿಗೆ ರೋಗದ
ಕಾಟವಿರದೆ ತಾ ಊಟ ಮಾಡುವನು ||ಅ||

ಪಂಡಿತರಾಗಿ ಅಖಂಡ ಕಲೆಗಳನು
ಚಂಡಿನಂತೆ ಕರತಲದಲಿ ಪಿಡಿಯುತ ||೧||

ಕಣ್ಣಮುಚ್ಚಿ ಇಂದ್ರಿಯಗಳ ನಿಲ್ಲಿಸಿ
ಹೃನ್ಮಂದಿರದಲಿ ಹರಿಯನು ಹಿಡಿಯುವ ||೨||

ಈತ ಜೀವ ಜಡರೆಂಬೊ ಮೂವರಲಿ
ಈಶನೆ ಹಾಸೆಂದರಿಯುತ ಮೂರೆಲೆ ||೩||

ಹಿಂದಿನ ದಿನ ಹರಿದಿನ ಮರುದಿನಗಳು
ಇಂದಿರೆಯರಸನ ಕೂಡಿ ಏಕಾದಶಿ ||೪||

ಸಿಕ್ಕಿದ ಸ್ಥಾನವು ದಕ್ಕದೆಂಬುದಕೆ
ಭಕ್ತ ಪ್ರಸನ್ನ ತೋರಿದ ಕೊಕ್ಕಿನ ||೫||

----ವಿದ್ಯಾಪ್ರಸನ್ನತೀರ್ಥರು




 

ದಾಸ ಸಾಹಿತ್ಯ ಪ್ರಕಾರ: 
ಬರೆದವರು: 

ಇನ್ನಾವ ಚಿಂತೆ ನನಗೆ ನಿನ್ನವನಾದ ಬಳಿಕ


ಇನ್ನಾವ ಚಿಂತೆ ನನಗೆ ನಿನ್ನವನಾದ ಬಳಿಕ
ಅನ್ನಂತ ಬೊಮ್ಮಾಂಡಕ್ಕೆ  ಹರಸು ಎಂದು
ಘನ್ನ ಕರುಣೆ ಭಾಗ್ಯಸಂಪನ್ನ ಸರ್ವೋತ್ತಮ
ನಿನ್ನ ಬಿಟ್ಟಿರಲಾರೆನೆಂದು
ಪ್ರಪ್ರಪನ್ನರಭಿಲಾಷವು ಕೊಡುವೆನೆಂದು
ಎನ್ನ ಯೋಗ್ಯತೆ ತಕ್ಕ ಜ್ಞಾನಾನಂದವ ಕೊಡುವ
ನಿನ್ನ ಚರಣಕ್ಕೆ ನಮೊ ನಮೊ ರಘುಪತಿ ವಿಠಲ






 

ದಾಸ ಸಾಹಿತ್ಯ ಪ್ರಕಾರ: 
ಬರೆದವರು: 

ಅನಿಮಿತ್ತ ಬಂಧು ಅತಿದಯಾಸಿಂಧು


ಅನಿಮಿತ್ತ ಬಂಧು ಅತಿದಯಾಸಿಂಧು
ಆನತ ನಾನೆಂದು ಅಭಯ ನೀಡಿಂದು ||ಪ||

ಮಧುಕೈಟಭಾರಿ ಮುರಾಂತಕೋದಾರಿ
ಮದನೋದ್ಭವಕಾರಿ ಮನ್ನಿಸೆನ್ನನುದಾರಿ    ||೧||

ವೈಕುಂಠ ಸದನ ವಜ್ರಾಭರಣ
ಶ್ರೀಕರವದನ ಸಲಹೆನ್ನನುದಿನ ||೨||

ಬಿಸಜನಯ್ಯ ಬರುಹಿಸುರಯ್ಯ
ಪ್ರಸನ್ವೆಂಕಟಯ್ಯ ಪಾಪವಾರಿಸಯ್ಯ||೩||

------ಪ್ರಸನ್ನವೆಂಕಟದಾಸರು

ದಾಸ ಸಾಹಿತ್ಯ ಪ್ರಕಾರ: 
ಬರೆದವರು: 

ಅಂಗಳದೊಳಗಾಡಬಾರಯ್ಯ


ಅಂಗಳದೊಳಗಾಡಬಾರಯ್ಯ, ಮುದ್ದು
ರಂಗ ನಿನ್ನಯ ಮುಖದೋರಯ್ಯ ||ಪ||

ಅರ್ಧರಾತ್ರಿಯಲ್ಲವತರಿಸಿದ್ಯೊ , ಹೋಗಿ
ಮುದ್ದು ಗೋಪಿಯ ಸುತನೆನಿಸಿದ್ಯೊ
ಭದ್ರದೇವಿಯರ ನೀ ಕಳಿಸಿದ್ಯೊ , ಬಂ-
ದಿದ್ದ  ಪೂತನಿಯ ಸಂಹರಿಸಿದ್ಯೊ    ||೧||

ವತ್ಸಕಾಯುತಲ್ಹೋಗಿ ವನದೊಳು ಬಂದ
ಕಿಚ್ಚು ನುಂಗಿದೆ ನಿನ್ವದನದೊಳು
ಸ್ವಚ್ಛಮಾಡಿದಿ ಕಾಳಿಜಲಗಳು ತೋರೆ
ಕುಕ್ಷಿಯೊಳಗೆ ತ್ರಿಜಗಂಗಳು     ||೨||

ದೇವಕ್ಕಿದೇವಿ ಯಶೋದಾನೆ ವಸು-
ದೇವ ನಂದ ಬಲರಾಮಗೆ ಎದುರು
ಬಾರೋ ಭೂದೇವಿರಮಣನೆ
ಭೀಮೇಶ ಕೃಷ್ಣನೆ ಶ್ಯಾಮವರಣನೆ ||೩||

---ಹರಪನಹಳ್ಳಿ ಭೀಮವ್ವ



 

ದಾಸ ಸಾಹಿತ್ಯ ಪ್ರಕಾರ: 
ಬರೆದವರು: 

Pages