ಹತ್ತಿಗಿಡದ ಕೊನೆ ಹಗೆಯಾಗಿ

( ರಾಗ ಸೌರಾಷ್ಟ್ರ. ಅಟ ತಾಳ) ಹತ್ತಿಗಿಡದ ಕೊನೆ ಹಗೆಯಾಗಿ ಬಿಡದೆ ಮೇಲಿನ್ನೇನಿನ್ನೇನು ಸಮಸ್ತರು ಹಗೆಯಾಗಿ ಸಾಧಿಸಿದ ಮೇಲಿನ್ನೇನಿನ್ನೇನು ||ಪ|| ಗಂಡು ಮಕ್ಕಳೆಂಬೋರು ಪುಂಡರಾದ ಮೇಲಿನ್ನೇನಿನ್ನೇನು ಭಂಡು ಸಂಸಾರವು ಬಯಲಿಗೆ ಬಿದ್ದ ಮೇಲಿನ್ನೇನಿನ್ನೇಲು || ನಗುವರ ಮುಂದಿಷ್ಟು ತಗಲಿ ಬಿದ್ದ ಮೇಲಿನ್ನೇನಿನ್ನೇನು ನಗುವವರಿಗೆ ನಾಲ್ಕು ನಾಲಿಗೆಯಾದ ಮೇಲಿನ್ನೇನಿನ್ನೇನು || ಮಾಡಿದ ಗಣಪತಿ ಮಂಗನಾದ ಮೇಲಿನ್ನೇನಿನ್ನೇನು ಊಡಿದ ಮಕ್ಕಳು ಬಿಡದೆ ಕಚ್ಚಿದ ಮೇಲಿನ್ನೇನಿನ್ನೇನು || ಬಾವಿ ತೋಡಿದರೆ ಬೇತಾಳ ಹೊರಟ ಮೇಲಿನ್ನೇನಿನ್ನೇನು ಕಾವ ಬೇಲಿ ಎದ್ದು ಹೊಲವ ಮೇದ ಮೇಲಿನ್ನೇನಿನ್ನೇನು || ಹಾರೈಸಿದೆಲ್ಲವು ಹಳವಂಡವಾದ ಮೇಲಿನ್ನೇನಿನ್ನೇನು ಆಲೈಸಿ ಕೇಳಯ್ಯ ಪುರಂದರವಿಠಲ ಇನ್ನೇನಿನ್ನೇನು ||