ನಿನ್ನ ಒಲುಮೆಗೆ ನಾನು ಈಡೇನೊ

(ರಾಗ ಕಾಂಭೋಜ ಝಂಪೆತಾಳ ) ನಿನ್ನ ಒಲುಮೆಗೆ ನಾನು ಈಡೇನೊ ರಂಗ ||ಪ|| ಸಣ್ಣವನು ನಾನಯ್ಯ ಪನ್ನಗಾಚಲವಾಸ ||ಅ|| ಅಜಿತ ನಾಮಕ ನೀನು, ಅಲ್ಪ ಶಕ್ತನು ನಾನು ಕುಜನ ದೂಷಕ ನೀನು, ಅವರ ಮಿತ್ರನು ನಾನು ವ್ರಜದ ಸ್ತ್ರೀಯರ ಮನವ ಸೂರೆಗೊಂಡ ಸ್ವಾಮಿ ಅಜನ ಪೆತ್ತ ನಿನಗೆ ಸರಿಯಾರು ಪೇಳಯ್ಯ || ಅನೇಕ ಅದ್ಭುತಚರಿತ್ರ, ಪಿಡಿದೆ ಹೇಸಿಕೆ ಮಾರ್ಗ ಅನೇಕ ಭಕ್ತರ ಪೋಷ, ನಾನವರ ದೂಷಕ ಅನೇಕ ಬಾಹುಗಳು ಮತ್ತನೇಕ ಪಾದಗಳಯ್ಯ ಅನೇಕ ದಿವ್ಯಾಭರಣ ವಿಶ್ವರೂಪ ನಿನಗೆ ಪರಮಪಾವನ ನೀನು, ದುಷ್ಟತರಳನು ನಾನು ಕರುಣಾಬ್ಧಿಯು ನೀನು, ಕಾಠಿನ್ಯಚಿತ್ತ ನಾನು ಶರಣೆಂಬೆ ಗಿರಿರಾಯ ನಿನ್ನ ಪೋಲುವರುಂಟೆ ಮರಳಿ ಪುಟ್ಟದೆ ಮಾಡು ತಂದೆ ಪುರಂದರ ವಿಠಲ ||