ತಾ ಪಡೆದು ಬಂದುದಕುಪಾಯವೇನು

(ರಾಗ ಕಾಂಭೋಜಿ ಝಂಪೆ ತಾಳ) ತಾ ಪಡೆದು ಬಂದುದಕುಪಾಯವೇನು ಕೋಪದಲಿ ಶ್ರೀಪತಿಯ ಶಪಿಸಿದರೇನು ಅನ್ನಕಿಲ್ಲವು ಎನ್ದು ಅತಿದೈನ್ಯ ಪಡಲೇನು ಮನ್ನಣೆಯ ಸೌಭಾಗ್ಯ ಬಯಸಲೇನು ತನ್ನ ಶಿರ ಅಡಿ ಮಾಡಿ ತಪವ ಮಾಡಿದರೇನು ಎಣ್ಣೆ ಹಚ್ಚಿ ಹುಡಿಯೊಳಗೆ ಉರುಳಾಡಲೇನು ಸರಿಯ ಜನರನು ನೋಡಿ ಕರುಬಿ ಕೊರಗಿದರೇನು ಬರಿದೆ ನಿಂದೆಯ ಮಾಡಿ ಪರಚಿಕೊಳಲೇನು ಇರುಳು ಹಗಲೊಂದಾಗಿ ಕುದಿದು ಸೊರಗಿದರೇನು ಅರಿಯದ ಮನುಜರಿಗೆ ಆಲ್ಪರಿದರೇನು ಕಂಡ ದೇವತೆಗಳಿಗೆ ಕೈಯ ಮುಗಿದರೆ ಏನು ಷಂಡತನದಲಿ ಜಗವ ಸರಿಸಿದರೇನು ಮಂಡಲಾಧಿಪ ನಮ್ಮ ಪುರಂದರ ವಿಟ್ಠಲನ ಕೊಂಡಾಡುವುದಕಿನ್ನು ಸಂದೇಹವೇನು