ಏನು ಮರುಳಾದ್ಯಮ್ಮ ಎಲೆ ರುಕ್ಮಿಣಿ

( ರಾಗ ಕಾಂಭೋಜ. ಝಂಪೆ ತಾಳ) ಏನು ಮರುಳಾದ್ಯಮ್ಮ ಎಲೆ ರುಕ್ಮಿಣಿ ||ಪ|| ಹೀನಕುಲಗೊಲ್ಲ ಶ್ರೀ ಗೋಪಾಲಕೃಷ್ಣನಿಗೆ ||ಅ|| ಹಾಸಿಕಿಲ್ಲದೆ ಹಾವಿನ ಮೇಲೆ ಒರಗಿದವ ಹೇಸಿಕಿಲ್ಲದೆ ಕರಡಿಯ ಕೂಡಿದ ಗ್ರಾಸಕಿಲ್ಲದೆ ತೊತ್ತಿನ ಮಗನ ಮನೆಲುಂಡ ದೋಷಕಂಜದೆ ಮಾವನ ಶಿರ ತರಿದವಗೆ || ಕುಂಡಗೋಳಕರ ಮನೆ ಕುಲದೈವನೆನಿಸಿದಗೆ ಮಂಡೆಬೋಳರ ಮನಕೆ ಮನೆದೈವವ ಹಿಂಡು ಗೊಲ್ಲರ ಮನೆಯ ಹಿರಿಯೆನೆಂದೆನಿಸುವ ಭಂಡಾಟದ ಗೊಲ್ಲ ಈ ಬಳಗದೊಳಗೆಲ್ಲ || ಒಬ್ಬರಲಿ ಹುಟ್ಟಿ ಒಬ್ಬರಲಿ ಬೆಳೆದ ಒಬ್ಬರಿಗೆ ಮಗನಲ್ಲ ಜಗದೊಳಗೆಲ್ಲ ಅಬ್ಬರದ ದೈವ ಶ್ರೀ ಪುರಂದರವಿಠಲನ ಉಬ್ಬುಬ್ಬಿ ಮದುವ್ಯಾದೆ ಉತ್ಸಾಹದಿಂದ ||