Skip to main content

ಏನನಿತ್ತು ಮೆಚ್ಚಿಸುವೆನೊ

( ರಾಗ ಮೋಹನ. ಆದಿ ತಾಳ)

ಏನನಿತ್ತು ಮೆಚ್ಚಿಸುವೆನೊ ಏನೊ ವಿಟ್ಟಲ ||ಪ||
ದೀನರಕ್ಷಕನೆ ನಿನ್ನ ಧ್ಯಾನವೀಯೊ ವಿಠಲಯ್ಯ ||ಅ||

ಓದಿ ನಿನ್ನ ಮೆಚ್ಚಿಸುವೆನೆ
ವೇದವ ತಂದಜನಿಗಿತ್ತೆ
ವಾದಿಸಿ ನಿನ್ನ ಮೆಚ್ಚಿಸುವೆನೆ
ಆದಿಶೇಷ ಶಯನನೆ ||

ಆಡಿ ನಿನ್ನ ಮೆಚ್ಚಿಸುವೆನೆ
ಮೃಡನಯ್ಯನಯ್ಯನೆ
ಪಾಡಿ ನಿನ್ನ ಮೆಚ್ಚಿಸುವೆನೆ
ಪವನಜನೊಡೆಯನೆ ||

ಚಿನ್ನವಿತ್ತು ಮೆಚ್ಚಿಸುವೆನೆ
ಸಿರಿದೇವಿಯರಸನೆ
ಪೂರ್ಣಾನಂದಸ್ವಾಮಿ ನೀನೆ
ಪುರಂದರವಿಠಲಯ್ಯ ||

ದಾಸ ಸಾಹಿತ್ಯ ಪ್ರಕಾರ: 
ಬರೆದವರು: