Skip to main content

ಏಕೆ ಚಿಂತಿಪೆ ಬರಿದೆ ನೀ

(ರಾಗ ಖರಹರಪ್ರಿಯ ಛಾಪು ತಾಳ)

ಏಕೆ ಚಿಂತಿಪೆ ಬರಿದೆ ನೀ , ವಿಧಿ ಬರೆದ
ವಾಕು ತಪ್ಪದು ಪಣೆಯೊಳು , ಮರುಳೆ ||ಪ||

ಹುಟ್ಟಲಿಕೆ ಮೊದಲೆ ತಾಯ ಮೊಲೆಯೊಳಗೆ
ಇಟ್ಟಿದ್ದಿಯೋ ಕ್ಷೀರವ
ತೊಟ್ಟಿಲೊಳು ಮಲಗುವಾಗ , ಗಳಿಸಿ ನೀ
ಇಟ್ಟುಕೊಂಡುಣುತಿದ್ದೆಯ, ಮರುಳೆ ||

ಉರಗ ವೃಶ್ಚಿಕ ಪಾವಕ , ಹುಲಿ ಸಿಂಹ
ಕರಿಯರಸು ಚೋರಭಯವು
ಹರಿಯಾಜ್ಞೆಯಿಂದಲ್ಲದೆ , ಇವು ಇನ್ನು
ಶರಧಿ ಪೊಕ್ಕರು ಬಿಡುವುವೆ ||

ಇಂತು ಸುಖ ದುಃಖಗಳಲಿ , ಬಳಲಿ ನೀ
ಭ್ರಾಂತನಾಗಲು ಬೇಡವೊ
ಸಂತೋಷದಿಂದರ್ಚಿಸಿ , ಭಜಿಸು ನಿ-
ಶ್ಚಿಂತ ಪುರಂದರವಿಠಲನ ||

ದಾಸ ಸಾಹಿತ್ಯ ಪ್ರಕಾರ: 
ಬರೆದವರು: